Европската комисија во петокот даде зелено светло за најновата верзија на вакцината Pfizer/BioNTech против Ковид-19, токму навреме за есенските и зимски кампањи за имунизација.
Од извршното тело на Европската унија (ЕУ) е соопштено дека е одобрена „вакцина против Ковид прилагодена на Comirnaty XBB.1.5, развиена од BioNTech-Pfizer“ за да им овозможи на земјите-членки на ЕУ навреме да се подготват за своите есенско-зимски кампањи за вакцинации.
Според препораката на Европската агенција за лекови, возрасните и децата на возраст над пет години треба да примат доза без оглед на историјата на вакцинација
„Ковид-19 ќе циркулира паралелно со сезонскиот грип во текот на претстојната есенска и зимска сезона“, предупреди еврокомесарката за здравство Стела Киријакидес.
Таа нагласи дека најновата верзија на вакцината цели кон новите варијанти на вирусот кои се шират, апелирајќи до сите граѓани на ЕУ да се вакцинираат.
Станува збор за трета адаптација на вакцината на Фајзер против коронавирусот, која реагира на најновите варијанти на болеста.
Според препораката на Европската агенција за лекови, возрасните и децата на возраст над пет години треба да примат доза без оглед на историјата на вакцинација, пренесува Н1.
