Според досегашните податоци, омикрон предизвикува поблага клиничка слика, а симптомите кои ги пријавуваат пациентите заразени со оваа варијанта се слични на оние на грипот.
Експертите истакнуваат дека омикрон е многу заразен, а прелиминарните студии покажуваат дека предизвикува воглавно поблаг облик на болеста. Симптомите кои укажуваат на тоа дека лицето е заразено со омикрон се треска, болки во грлото и чувство на гребење во грлото, силни болки во телото, ноќно потење, повраќање и губење на апетит.
Д-р Анжелик Кеце наведува дека кај пациентите инфицирани со омикрон не се појавуваат симптоми како што се губење на вкусот и мирисот, затнат нос и многу висока телесна температура.
Познавањето на симптомите може да помогне да се утврди дали некое лице е заразено со делта или омикрон варијанта. Неодамнешните наоди открија кои се двата најчести симптоми кои ги пријавуваат пациентите инфицирани со омикрон.
Кај пациентите инфицирани со омикрон не се појавуваат симптоми како што се губење на вкусот и мирисот, затнат нос и многу висока телесна температура
Според најновиот извештај на Zoe COVID study, течење на носот и главоболката се двата главни симптоми на омикрон кои пациентите најмногу ги пријавуваат, пишува „Тајмс оф Индија“. Ајрин Петерсон, професорка по епидемиологија на Универзитетот во Лондон, истакнува дека овие два симптома може да бидат знак и за некоја друга инфекција, но треба да се има на ум дека можат да укажуваат и на инфекција со омикрон.
Досега се пријавени околу 20 симптоми на омикрон, а најчесто пријавувани се течење на носот и главоболка. Студијата открила и кои се некои други симптоми кои се почести кај луѓето инфицирани со омикрон, а тоа се замор, кивање и болки во грлото.
На луѓето кои ќе ги забележуваат овие симптоми кај себе им се препорачува да не ги игнорираат и да се тестираат, како и да се изолираат се додека не го добијат резултатот од тестот.
