Светската здравствена организација (СЗО) ја класифицираше варијантата Б.1.1.529, наречена омикрон како варијанта што претставува загриженост. Се наведува дека има голем број мутации, од кои некои се загрижувачки.
СЗО препорача засилен надзор, посебно секвенцирање на геномот на вирусот, фокусирано истражување за да се сфати опасноста што ја носи оваа варијанта, како и засилени епидемиолошки мерки, како носење маски. Некои земји отидоа и чекор понатаму, па воведоа одредени мерки поврзани за меѓународните патувања. Јапонија ги затвори своите граници за сите странски посетители.
Постојат три типа на однесување (фенотипови) што можат да покажат каква закана претставува новата варојанта на коронавирусот. Тоа се преносливост на вирусот, односно брзината со која се шири од лице на лице, вирулентноста, односно сериозноста на симптомите на болеста, како и имунолошката евазија или имуноевазивност, односно стапката на заштита што лицето ја добива од вакините или од прележувањето.
Зошто СЗО и бројни други стручњаците ја нарекуваат варијантата омикрон варијанта што предизвикува најголема загриженост досега?
ПОВЕЌЕ ОД 30 МУТАЦИИ НА Ѕ-ПРОТЕИНОТ
Се уште нема докази кои недвосмислено би потврдиле дека омикрон предизвикува тешка клиничка слика, но моментално нема многу податоци за оваа варијанта. Првите податоци кои од Јужна Африка сугерираат дека новата варијанта може да предизвика поблаги симптоми, но тоа допрва треба да се потврди.
Од друга страна, кога станува збор за имуноевазивноста и преносливоста, постојат причини за загриженост. Преовладува заеднички став дека омикрон варијантата се шири побрзо од претходните варијанти.
Омкрион најмногу ги изненади стручњаците со бројот на мутации. Во The Conversation се наведува дека дури 32 мутации влијаеле на S-протеинот, а многу од нив може да го изменат начинот на кој вирусот доаѓа во контакт со антителата.
Токму овие бројни мутации можат да бидат одговорни за имуноевазивноста и стапката на пренос, кои се главните причини зошто оваа варијанта предизвикува толку голема загриженост.
Омиркон варијантата најчесто се среќава кај помладите лица на возраст од 18 до 34 години, а токму во овие возрасни групи е забележана најниска стапка на вакцинација во Јужноафриканската Република.
Британските експерти ја нагласуваат потребата од вакцинација врз основа на извештаите добиени од Јужна Африка, според кои се евидентираат поголем број хоспитализации токму во групи невакцинирани или делумно вакцинирани лица. Покрај тоа, производителите на вакцини изјавија дека ќе можат брзо да ги приспособат своите вакцини на омикрон варијантата.
