Луѓето кои прележале Ковид-19 може да имаат значително намалена интелигенција, според новото истражување објавено во списанието „EclinicalMedicine“.
Се работи за уште еден симптом на долга форма на Ковид кој влијае на телото и мозокот, дополнително нагласувајќи ја важноста од спроведување на долгорочни студии и проценка на сериозноста на ефектите на болеста.
- Студијата, спроведена од Империјал колеџ во Лондон, проучувала 81 337 луѓе кои учествувале во онлајн проценка, како дел од големиот британски тест за интелигенција. Станува збор за клинички потврден когнитивен тест кој вклучува серија кратки загатки и прашалник, пишува „IFLScience“
Од овие 81.337 лица, кај некои претходно била потврдена инфекција со Ковид, но не биле хоспитализирани, додека други биле хоспитализирани со тешка форма на болеста. Со резултатите истражувачите сакале да ја проценат нивната когнитивна способност, која потоа била споредена со целокупниот примерок за да се идентификуваат какви било долгорочни ефекти на Ковид.
Когнитивен дефицит
Откако контролирале други фактори, вклучувајќи ги возраста, полот, образованието и првиот јазик, истражувачите откриле когнитивен дефицит кај оние кои претходно страдале од Ковид-19, а состојбата била уште полоша во потешките случаи. Оние со респираторни проблеми на тестот постигнале послаби резултати од оние без респираторни проблеми, а забележан е и пораст на дефицитот кај оние кои завршиле во болница.
Најизразените дефицити кај пациентите кои прележале Ковид-19 биле расудување, решавање проблеми, просторно планирање и препознавање на целите, што се совпаѓа со претходните извештаи за „мозочна магла“
Иако постојат мноштво причини за овие резултати, научниците ги елиминирале збунувачките фактори како што се веќе постоечки болести и моментални симптоми на Ковид. Откриле дека контролата над овие фактори не ги променило резултатите претерано.
„Овде не се работи само за долг Ковид, туку за споредување на луѓе кои имале Ковид со оние кои немале, без оглед на долгорочните симптоми. Повеќето луѓе кои имале Ковид тврделе дека се опоравиле, но околу 25% пријавиле трајни симптоми, односно долг Ковид. Когнитивните дефицити се задржале без оглед на тоа дали постоеле трајни симптоми или не, а не зависеле ниту од времето поминато од инфекцијата со Ковид. Ова сугерира дека станува збор за долгорочен ефект. Исто така, не зависи од веќе постоечките здравствени проблеми“, твитна професорката Кристина Пејгел.
Значителни дефицити
Исто така, не се работи за мали дефицити. Оние што биле на вентилатор имале когнитивен дефицит од 0,47, додека другите имале 0,27. За споредба, пациентите со мозочен удар имаат просечен дефицит од 0,24, а е повисок и од просечна личност со потешкотии во учењето (0,38).
Најизразените дефицити кај пациентите кои прележале Ковид-19 биле расудување, решавање проблеми, просторно планирање и препознавање на целите, што се совпаѓа со претходните извештаи за „мозочна магла“.
Како и кај сите самопријавени податоци, треба да се внимава при толкувањето на овие резултати. Пристрасноста на земање мостри може да игра улога, иако авторите на студијата се потрудиле тоа да го ублажат. Постојат и други фактори кои би можеле да имаат влијание околу невролошките проценки. Сепак, се чини дека студијата го потенцира трајното влијание врз пациентите од сите возрасти и повикува на понатамошно истражување на оние кои сега живеат со долг Ковид, пишува „IFLScience“.
