Помеѓу 2001. и 2009., над 16.100 деца до 14 години завршиле на урегнетно поради гушење со тврди бомбони, покажало американско истражување. Вкупно, 112.000 деца во текот на осум годишното истражување, побарале итна помош поради опасност од гушење поврзно со храна. Околу 15% од тие случаи биле последица на гушење со бомбони.
Останата опасна храна од која децата најчесто завршувале во итните служби е:
- Други видови бомбони – 12,8%
- Месо – 12,2%
- Коски – 12%
- Овошје и зеленчук – 9,7%
- Адаптирано млеко, млеко и мајчино млеко – 6,7%
- Семки, јаткасти плодови и школки – 6,5%
- Чипс, грицки или пуканки – 4,6%
- Бисквити, колачи или крекери – 3,1%
- Виршли – 2,6%
- Леб и пецива – 2,3%
- Помфрит – 0,8%
Повеќето деца кои биле донесени во итните служби поради гушење со храна биле пуштени по укажаната помош. Околу 10% од нив биле хоспитализирани, најчесто кога станувало збор за гушење од виршли, семки, јаткасти плодови или школки. Просечната старост на децата третирани поради гушење била четири години, а повеќе од половината биле момчиња.
Истражувачите од Nationwide Children’s hospital во Охајо ги анализирале националните информации од пријавите на итните служби, фокусирани на случаеви кои немале смртен исход.
На малите деца им недостасуваат заби потребни за мелење на храната, се уште учат како да џвакаат и се поактивни, што може да ја зголеми веројатноста од гушење со храна.
Намирниците кои може да претставуваат поголем ризик за децата се оние со слична форма на детските дишни патишта (како виршлите), оние кои тешко се џвакаат (сурово овошје и зеленчук) и оние кои се консумираат повеќе одеднаш (семки и јаткасти плодови).
Американската педијатриска академија препорачува на деца до пет години да не им се дваат тврди бомбони или гуми за џвакање, како и овошјето и зеленчукот да се сечат на помали парчиња. Децата додека јадат треба да се надгледуваат, никогаш да не трчаат, играат или лежат додека имаат храна во уста. Важно е , велат педијатрите, родителите да се запознаени со техниките на пружање прва помош во случај на гушење.
