Вообичаена претпоставка е дека жените за време на бременоста треба да јадат за двајца, но лекарите предупредуваат дека тоа може да доведе до гестациски дијабетес.
Имено, хормоните произведени во текот на бременостаможат да го направат телото отпорно на инсулин – што значи дека нивото на шеќер во крвта останува високо. Поради тоа, гинекологот д-р Грегори Охихоин од Институтот за медицински истражувања во Нигерија, предупредува дека жените треба да бидат внимателни кога претпоставуваат дека можат да јадат за двајца.
Тој објаснува дека жените во текот на бременоста, искусуваат желба за различна храна и дека некои од нив, исто така имаат и зголемен апетит. И покрај тоа, за време на бременоста би требало да имаат здрава и балансирана исхрана, без залажување дека е во ред да ‘јадат за двајца“.
“Некои жени одат до крајни граници да јадат за двајца, па се хранат нездраво. Имаат неконтролиран аптетит и јадат без контрола. Резултатот е прекумерна телесна тежина. Оваа група на жени имаат поголем ризик од развој на гестациски дијабетес мелитус и поголем ризик од отежнато породување“, вели д-р Охихоин.
Притоа, тој објаснува дека и квалитетот на храната што ја јадат е многу поважен од количината.
“Протеините се најважни за вашето бебе оти содржат аминокиселини кои се градивни за телото. Вашето тело има потреба од 20 различни видови на аминокиселини. 12 ги произведува телото (неесенцијални аминокиселини). Останатите осум, мора да се обезбедат преку храната што ја внесувате“, додава тој.
