Царскиот рез не е операција за која лекарите лесно се одлучуваат. Повеќето мајки кои родиле со царски рез се прашуваат дали и следниот пат треба да се породат на истиот начин. Колку царски резови може да има жената без поголем ризик?
Секоја жена е поинаква. Некои се опоравуваат на сличен начин по секој направен царски рез, додека на други жени им треба повеќе време, имаат повеќе потешкотии по ваквиот оперативен зафат. Постојат и жени кои по секој нареден царски рез се опоравуваат многу побрзо.
“Иако е тешко да се каже колку царски резови се премногу, општо е прифатено дека многу ризици се зголемуваат, како се зголемува бројот на овој тип операции“, објаснува гинекологот д-р Џејсон Џејмс.
Таквите ризици, додава тој, вклучуваат трансфузија на крв, повреда на мочниот меур и хистеректомија за време на операцијата, а се се зголемува за еден процент по третиот царски рез. Всушност, шанса за хистерктомија имаат релиси девет проценти од жените по шестата операција.
Потенцијални проблеми кои се зголемуваат со секој царски рез: неправилно сместена постелка, повреда на цревата или мочниот меур и отворање на лузната на матката.
Дотолку повеќе што при секоја нова операција може да дојде до создавање на израстоци, кои може да го отежнат породувањето. Значајни ризици може да бидат и развој на хернија (кила), раздвојување на стомачните мускули, како и утрнатост и болка на местото на резот. Постои, вели д-р Џејмс и ризик од развој на ендометриоза.
Лекарите, за да се спречат било какви компликации, препорачуваат чекање од најмалку шест месеци пред жената, која родила со царски рез, повторно да забремени. Некои лекари се држат до ставот дека за безбедно породување без компликации и ризици по здравјето и на мајката и на бебето, треба до наредното забременување да се почека две години. Други пак тврдат дека оптимално е да се причека барем една година до следното зачнување, по првиот царски рез, а доколку претходеле повеќе породувања на овој начин, тогаш секако треба да се причека и повеќе од две години до следната бременост.
