ОСТАВИ МЕ НА МИРА! Кои се најлошите реченици што родител може да му ги каже на дете

Ова се реченици кои не би смееле да му ги кажете на детето, оти на него ќе влијаат демотивирачки и ви откриваме што да кажете за да чувствува подобро.

Секој родител барем еднаш рекол нешто за кое зажалил, оти детето било луто, повредено или збунето. Стручњаците тврдат дека зборовите оставаат длабока трага, многу поголема отколку што понекогаш мислат луѓето. “Зборовите за деца можат да бидат конструктивни или деструктивни, затоа мудро бирајте што ќе кажете пред детето. Нешто што на возрасните им изгледа безопасно, може да има многу лошо влијание врз детето”, вели психологот Џил Витни.

Побрзај, пребавен си!

Кога детето наутро се облекува за на училиште, тоа често може да биде бавно. Но, да му се прави притисок за да биде побрзо е погрешно. Дури и ако доцните, не кревајте го гласот и не му заповедувајте на детето, бидејќи тоа нема да биде мотивирачко. Наместо тоа, побарајте помирен начин да ги забрзате работите. На пример, предложете игра со тркање во облекувањето,  што ќе го потттикне да биде побрзо.

Остави ме на мира!

На секој родител му треба време да се одмори. Сепак, не треба да му кажувате на вашето дете дека ви пречи. Децата сакаат да бидат признаени, па тоа може многу да им запречи. Одговорете на посоодветен начин и најдете им забава додека сакате да се одморите. Дајте им задачи за нивната возраст што ги прави среќни. Може да им кажете дека имате да направите нешто важно и да им предложите да играат додека не завршите. Но, ако им ветите дека после тоа ќе им се посветите ним, тоа и реализирајте го.

Зошто не можеш да бидеш како брат ти/сестра ти?

Природно е да ги споредувате вашите деца, но не треба да дозволите да ве слушнат. Со тоа промовирате нездрава конкуренција и децата можеби не се чувствуваат доволно добро.

Тоа значи дека сакате детето да биде некој друг кога ќе го споредите. Покрај тоа, психолозите тврдат дека споредбите најверојатно нема да го променат однесувањето, туку дека само ќе го притискате детето да направи нешто за што не сака или не е подготвено, поткопувајќи ја неговата самодоверба. Наместо тоа, поттикнете го и инспирирајте го вашето дете за тоа што може тоа да направи и пофалете го кога ќе направи нешто добро.

Со вежбање до совршенство

Не постои такво нешто како совршено, да се биде совршен не е добра цел затоа што не постои, вели Бетси Браун, експерт за развој и однесување кај децата. Така испраќате порака дека детето недоволно се трудело и вежбало. Наместо тоа, кажете колку може да биде фрустрирачко и напорно вежбањето и дадете му неколку примери на работи што вашето дете ги истренирало и подобрило.

Јас тоа ќе го довршам

Природно е да сакате да му помогнете на детето додека ја завршува сложувалката. На крајот, не сакате да го гледате вашето дете тажно. Но, ако прерано се замешате, може да ја поткопате неговата независност.

Обидете се да му дадете на детето можност да го заврши проектот за градење на самодоверба. Секое разочарување е златна можност за детето да се соочи со секојдневни подеми и падови. Наместо тоа, почекајте тоа прво да побара помош. Потоа поставете му прашања што ќе му помогнат да го реши проблемот.

Затоа што јас така реков

Кога сте во брзање, сигурно ја кажувате оваа фраза, но обидете да ја избегнете. Може да кажете нешто како: “Знам дека денес сакаш да си играш надвор. Прво мора да ја завршиш домашната. Што викаш да играме надвор по тоа? Понудете му и поттик за довршување на задачата.

Јас би сторил сè за тебе

Можеби се чувствувате како да правите сè за нив – готвите, чистите, но не им префрлувајте за тоа. Не очекувајте дека тоа ќе ви се врати со исклучителна благодарност или добро однесување. На пример, можете да го научите детето на благодарност со тоа што ќе го пофалите партнерот: ‘Колку е вкусна вечера! Фала многу, тато. ‘ Децата ќе научат дека е убаво да се заблагодари некому за нешто.