Кога ги препознаваме непожелните однесувања на децата како реакции на условите на околината, фазите на развој или на нашите сопствени постапки, можеме да реагираме проактивно и со сочувство. Еве осум однесувања кои не тераат да мислиме дека децата се лоши, но всушност не се.
Не можат да ги контролираат своите импулси
Дали некогаш сте им кажале на вашите деца да не прават нешто, а тие сепак го направиле тоа? Истражувањата сугерираат дека областите на мозокот вклучени во самоконтролата не созреваат целосно до доцната адолесценција, што објаснува зошто развојот на самоконтрола е долг и бавен процес.
Доживуваат прекумерна стимулација
Одите во продавница со вашите деца и тие имаат изливи на бес затоа што не сакате да им купите бонбони? Натрупан распоред, преголема стимулација и исцрпеност се карактеристики на современиот семеен живот, а сето тоа може да предизвика изливи на бес, хиперактивност или отворен отпор кај децата.
Физичките потреби на децата влијаат на нивното расположение
Сигурно ви се случило да не се наспиете доволно или добро по ноќно излегување. Како се чувствувате тогаш? Основните состојби, како што се замор, глад, жед, премногу шеќер или болест влијаат на децата десет пати повеќе.
Не можат да го скротат изразувањето на емоции
Возрасните знаат како да ги скротат или сокријат своите емоции. Децата не можат да го направат тоа. Едукаторката Џенет Лансбери советува да не реагиратен или да не ги казнувате децата кога ги покажуваат своите емоции со врескање, викање или плачење.
Имаат потреба за многу движење
Децата имаат развојна потреба за многу движење. Тие сакаат да поминуваат време надвор, да возат велосипед или тротинет, да ползат, да се лулаат, да скокаат или да се тркаат.
Пркосни се
Многу деца од предучилишна возраст се обидуваат да преземат иницијатива и да го направат она што го наумиле. Иако тоа не секогаш ќе им одговара на родителите, психолозите велат дека понекогаш треба да им се дозволи сами да одлучуваат и да станат независни.
Реагираат на расположението на нивните родители
Децата многу добро го забележуваат расположението на нивните родители. Ако родителите се под стрес, расеан или потиштени, децата ги имитираат тие расположенија. Истото важи и кога сме мирни, приземјени и добро расположени. Проверете го вашето однесување пред да бидете фрустрирани од однесувањето на вашето дете.
Тие се борат против недоследните ограничувања
Ако една вечер ги прашате децата што сакаат да јадат, а следната вечер само им го сервирате јадењето, логично е да се бунат на недоследноста. Кога родителите не се доследни на ограничувањата, тоа природно предизвикува фрустрација кај децата и поттикнува цимолење, плачење или викање. Како и возрасните, децата сакаат и треба да знаат што можат да очекуваат.
