Првите 1000 дена од животот на детето се „критичен период на можности и исходи“, се вели во соопштението на Филипинското педијатриско здружение (PPS), а пренесува „Смарт парентинг“. Тие објавија препораки кои се однесуваат на времето од зачнувањето до втората година на детето. „Првите 1000 дена се период кога детето има зголемени потреби за исхрана со цел да се поддржи забрзаниот физички раст и ментален развој“, се вели во соопштението.
Правилната исхрана во вистинското време може да има значително влијание врз способноста на детето да учи и расте, ова се нивните препораки:
Многу е важно да ги направите сите прегледи по раѓањето на детето, но важно е и мајката да прави редовни контроли по породувањето
Бременост
- Следете ги лекарските препораки за земање витамини и минерали
Соодветната исхрана е неопходна за растот на бебето во стомакот на мајката. PPS препорачува бремените жени да земаат додатоци кои содржат железо, фолна киселина и калциум. Фолната киселина помага да се спречи настанување на дефекти при раѓање на детето, како што се дефекти на невралната туба, спина бифида и дефекти на мозокот како што е аненцефалијата. Калциумот е потребен за раст на коските на бебето и го намалува ризикот од прееклампсија кај мајката. Железото, од друга страна, ја спречува анемијата и ниската родилна тежина на бебето.
Погрижете се солта што ја земате да содржи јод. „Јодот е неопходен за здрав развој на мозокот на фетусот и кај малото дете. Потребата на жената за јод се зголемува за време на бременоста, бидејќи е потребна соодветна количина и за развој на фетусот”, велат од Светската здравствена организација.
- Редовно одете на прегледи
Бремените жени треба да посетат лекар најмалку четири пати доколку бременоста е нормална и без компликации.
Новороденче
- Сечење на папочната врвца
Да се почека една до три минути пред да се исече папочната врвца, препорачува PPS. Се покажа дека дополнителниот проток на крв од плацентата има придобивки за бебето. Зголеменото ниво на хемоглобин (црвени крвни зрнца) при раѓање, го подобрува нивото на железо и спречува анемија во првата година од животот и многу повеќе. Истите препораки ги дава и Американскиот колеџ за акушери и гинеколози.
Да се почека една до три минути пред да се исече папочната врвца, препорачува PPS. Се покажа дека дополнителниот проток на крв од плацентата има придобивки за бебето. Зголеменото ниво на хемоглобин (црвени крвни зрнца) при раѓање, го подобрува нивото на железо и спречува анемија во првата година од животот и многу повеќе. Истите препораки ги дава и Американскиот колеџ за акушери и гинеколози
- Кенгурирање
Како и многу други организации, PPS препорачува контакт кожа на кожа за новороденчето. Ова вклучува контакт кожа на кожа веднаш по раѓањето и за кратки периоди во текот на денот и ноќта. Кенгурирањето го промовира и доењето, поврзувањето мајка-дете, што ја зголемува заштитата на новороденчето од инфекции.
- Прегледи по раѓањето
Многу е важно да ги направите сите прегледи по раѓањето на детето, но важно е и мајката да прави редовни контроли по породувањето.
Бебе
- Што подолго доење
Недостатокот на квалитетна исхрана во првите 1000 дена може да доведе до забавен раст и неисхранетост. Оваа организација препорачува доење и навремено воведување цврста храна. Тоа обично значи ексклузивно доење во првите шест месеци, по што започнува воведувањето на цврста храна.
- На детето му се потребни сите потребни витамини и минерали за неговата возраст
Разговарајте со педијатарот на вашето дете за витамини и минерали поврзани со неговата возраст. PPS препорачува дози на витамин К за новороденчето за да се намали крвавењето во првите недели од животот. Исто така, железото и витаминот А го намалуваат ризикот од дијареја и недостаток на железо. Цинкот се препорачува за деца со умерен или висок ризик од респираторни инфекции.
- Следење на календарот за имунизација
Вакцинацијата на новороденчињата започнува веќе во родилиштето, а потоа е потребно понатаму да го следите календарот за имунизација.
