СЕКС
Многу мајки веруваат дека кога ќе забременат, нивниот сексуален живот треба да исчезне додека не се роди бебето. Но, тоа не е вистина. Сексот нема да предизвика спонтан аборутс или да му нашети на бебето на било кој начин, велат гинеколозите. Бебето е заштитено со амнионска течноста и силни мускули на матката, така што ништо не чувствува додека вие уживате со партнерот.
ВЕЖАБЊЕ
Жените во бременоста треба да продолжат со активностите со кои се занимавале и претходно. Општо правило е, потенцираат лекарите, да што сте правеле пред бременоста – трчање, пливање, теретана е во ред. Се додека можете да зборувате додека вежбате, се е во ред. Дури е и пожелно, ако жената не била физичка активна пред бременоста, да почне со некоја форма на активност, па дури и само со пешачење.
КОФЕИН
Ако не можете да го започнете денот без шолја кафе, не грижете се, не сте единствени. Неодамнешна анкета открила дека 78% од луѓето би се откажале од социјалните мрежи или сексуални односи и цела година, но не и од кафе. И идните мајки може да уживаат во кафето, се додека количината е умерена. Може да се случи и да кафето не ви годи, барем во првите 12 недели од бременоста.
СУВОМЕСНАТИ ПРОИЗВОДИ
Може да јадете пршута и сувомеснати производи, но многу е важно да бидат обработени, односно пастеризирани пред консумирање оти може да бидат извор на зараза – листериоза. Тоа е бактерија од која може да заболат трудниците, а може да има тешки последици по детето. Трудниците имаат 20 пати поголема шанса да заболат од листериоза, во споредба со другите возрасни лица.
ПАТУВАЊА
Секако дека можете да патувате. Како идна мајка се уште може да летате на различни дестинации, но бидете внимателни кога е во прашање долго седење во една положба, оти не е добро за циркулацијата.
СПИЕЊЕ НА ГРБ
На бремените жени им се препорачува да спијат на лева страна, оти тоа го подобрува протокот на крв во постелката, додека спиењето на грб ја намалува циркулацијата на детето, а матката лежи на ‘рбетот, цревата и главните крвни садови, што не е добро ниту за вас, ниту за детето. Но, да се биде во една положба цела ноќ е невозможна мисија, затоа не паничарете ако е разбудите на грб.
КУПКИ
Некои жени може да избегнуваат жешки купки од страв дека топлата вода може да му наштети на детето. Но, за време на бременоста може слободно да уживате во смирувачка купка.
МЛЕЧНИ ПРОИЗВОДИ
Сите знаеме дека треба да се избегнуваат непастеризирани производи за време на бременоста. Жените може да уживаат во сирења, млечни производи кои се пастеризирани, а изборот на пазараот е огромен.
