Лекарите често знаат да ги предупредат паровите да повнимаваат на интензитетот на сексуалните односи во првото тромесечие од бременоста. Тоа е време која општо не треба да се претерува со било каква физичка активност, па ни со сексуална. Не срамете се да го прашате својот лекар за тоа колку често ви препорачува да имате односи и дали постојат некои забрани што се однесува до положбите или самата ваша бременост.
Во второто тромесечие, бременоста се стабилизира и жената станува поопуштена. Емотивните бури поврзани со дознавањето за бременоста се завршени и се доаѓа во природен баланс. Не плашете се дека може да го повредите бебето за време на сексуалните односи. Тоа лежи безбедно во матката, опкружено со плодова вода и анатомски е невозможно да се дојде до контакт со бебето.
Во третото тромесечие, на жената знае да и се зголеми либидото и таа да стане сексуално поактивна што е пријатно изненадување за партнерите. Со се поголемиот стомак, многу положби се тешко остварливи, па уживањето може и да се намали. Но, ако имате некои омилени положби кои и натаму ви одговараат, а бременоста и натаму е без никакви компликации, немате причина да се воздржувате од секс.
