Депресијата е состојба која се карактеризира со длабоки чувства на тага, губење на интерес за секојдневните активности и емоционални и физички промени како што се замор и промени во апетитот. Луѓето кои страдаат од депресија често се борат со негативни мисли и чувства на безнадежност, што може да влијае на нивниот секојдневен живот. Депресијата може да предизвика и физички симптоми како што се промени во спиењето, главоболки и општа исцрпеност.
Но, освен возрасните, знаци на депресија можат да покажуваат и децата. Сепак, за да им се обезбеди потребната поддршка, важно е да се препознаат симптомите. Детскиот психолог и едукаторка за воспитување, Џејми Блох, истакнува осум знаци на депресија кај децата кои лесно можат да се превидат, а кои никако не смеат да се занемарат.
- Повлекување и изолација
- Раздразливост
- Губење на интерес за активности во кои претходно детето уживало
- Ниска енергија и намалена мотивација
- Промени во хигиенските навики (избегнување туширање и четкање заби…)
- Физички тегоби (главоболки, болки во стомакот, други физички симптоми без јасна медицинска причина)
- Потешкотии со концентрирање
- Преплавени чувства на вина или срам (чувство на безвредност или прекумерна вина поради помали проблеми).
„На возрасните им останува да ги препознаат знаците кои укажуваат дека нешто не е во ред со децата, бидејќи тие често не знаат како да го изразат тоа. Најдобар начин да ја препознаете депресијата кај децата не е обрнување на внимание на тоа што зборуваат, туку набљудување на нивното однесување “, заклучува детскиот психолог Блох.
