Медицинска сестра од Мелбурн, Кејт Вејд која работи како едукатори за бабици, го открила “тајните знаци“, односно говорот на тело со кој бебето порачува дека е гладно, односно сито, и кога сака да си игра.
Истакнувајќи дека секое бебе е различно, таа тврди дека повеќето бебеиња ги користат овие знаци.
“Студиите покажале дека кога новороденчето е гладно, тоа ќе ги стисне своите шаки во тупаница. Како напредува хранењето, неговите рачиња полека ќе се опуштаат и отвораат. Тоа значи дека му е доволно храна и дека е сито“, тврди таа.
Иако повеќето родители сметаат дека бебешкиот плач е единствениот начин на кој тоа комуницира за своите потреби, таа ги поттикнува родителите од првите денови да го набљудуваат однесувањето на своето бебе. Така некои бебиња ќе покажат дека се гладни со нагло будење или така што ќе мафаат со рацете и со нозете.
“Отворањето на устата и вртењето на глвата од една на друга страна, како да бараат дојка, исто така е индикатор дека бебето е гладно“.
И додека стисокот на раката во тупаница е еден од показателите дека бебето е гладно, Кејт предлага родителите да обрнат внимание на звукот што го произведува бебето додека “влече“ млеко – кога ќе престане звукот, значи дека бебето е сито.
Откако ќе заврши хранењето, бебето можеби ќе биде расположено за игра, тоа ќе го покаже така што ќе има поопуштени движења и ќе ги пружа рачињата кон родителите. Знак дека сака да си игра ќе покаже и со одржување на контакт со очите со родителите и со неиспрекинати движења.
