Околу 20 луѓе во Британија се позитивни на вирусот на мајмунски сипаници, а меѓу нив е и дете од Лондон. Не е познато колку години има момчето, но моментално е во критична состојба во болница.
Мајмунските сипаници се ретка болест, а повеќето случаи се наоѓаат во Африка. Но, во текот на минатата недела вирусот беше откриен низ целиот свет. Експертите советуваат дека е важно да ги знаете знаците на кои треба да внимавате, особено кај малите, кои можеби и нема да можат да објаснат како се чувствуваат.
- Д-р Сузан Хопкинс, главен медицински советник во UKHSA, рече дека болеста е „релативно блага“ кај возрасните, при што се смета дека малите деца се повеќе изложени на ризик
Почетните симптоми обично се „неспецифични“, рече д-р Хопкинс, и се како „вирусна болест“. Осипот сличен на овчи сипаници подоцна се шири низ делови од телото. Обично ги зафаќа лицето и рацете, но може да се прошири и на гениталните области.
„Почнува како црвени дамки и се движи кон везикули – тоа се лезии од типот на меурчиња кои се слични на овчите сипаници“, рече д-р Хопкинс.
„Штом крастите ќе паднат, тие веќе не се заразни“.
Лекарите велат дека стапката на смртност кај децата е помеѓу 1 и 15 отсто.
Луѓето кои се заразиле со мајмунски сипаници обично ќе почнат да појавуваат симптоми пет до 21 ден по првичната инфекција. Најчесто, децата ги доживуваат истите симптоми како возрасните.
Ако мислите дека вашето малечко не е добро, тогаш секогаш треба да побарате лекарска помош.
Според NHS, првите знаци на болеста се:
- Висока температура;
- Главоболка;
- Болки во мускулите;
- Болка во грбот;
- Отечени жлезди;
- Треперење;
- Исцрпеност.
Оттаму објаснуваат дека осипот обично се појавува еден до пет дена по симптомите. Важно е родителите да внимаваат и на знаците дека нивното дете генерално се чувствува лошо.
Ако вашето дете е исцрпено, може да стане раздразливо и да не ужива во работите што обично ги прави. Во однос на температурата, NHS вели дека нормалната температура кај бебињата и децата е околу 36,4 степени Целзиусови, но тоа може малку да варира од дете до дете. Ако детето има висока температура, тоа ќе биде околу 38 C или повеќе. (The Sun)
