Жените кои спијат помалку од седум часа ноќе во текот на бременоста имаат зголемен ризик да родат деца кои ќе имаат задоцнет развој.
Новата студија, објавена во Journal of Clinical Endocrinology & Metabolism (JCEM), конкретно го разгледува краткото времетраење на спиењето (SSD), дефинирано како спиење помалку од седум часа, за време на бременоста и неговото влијание врз развојот на децата по раѓањето.
Студијата открила дека спиењето помалку од седум часа за време на бременоста може да биде поврзано со зголемен ризик од невроразвојни проблеми кај децата, афектирајќи ги нивните когнитивни способности. Ова е кога децата имаат доцнење во развојот на социјалните, емоционалните, однесувањето, моторните, когнитивните или говорните способности
„Оваа студија ја нагласува потребата од менаџирање на спиењето за време на бременоста“, рече д-р Пенг Жу, водечки автор на студијата од Медицинскиот универзитет Анхуи во Кина, додавајќи дека тоа може да ги поттикне семејствата да „оформат поздрави навики во бременоста“.
„Подобрувањето на навиките за спиење за време на бременоста може да го спречи или намали ризикот од невроразвојни проблеми кај децата“, рече Жу.
Како е спроведена студијата?
Научниците ги анализирале податоците за спиењето на 7.000 трудници од три различни болници во Кина во периодот од март 2015 до јануари 2021 година. Нивните деца биле тестирани за доцнење во развојот на возраст од шест месеци до три години.
Жените кои спијат помалку од седум часа ноќе во текот на бременоста имаат зголемен ризик да родат деца кои ќе имаат задоцнет развој
Студијата открила дека спиењето помалку од седум часа за време на бременоста може да биде поврзано со зголемен ризик од невроразвојни проблеми кај децата, афектирајќи ги нивните когнитивни способности. Ова е кога децата имаат доцнење во развојот на социјалните, емоционалните, однесувањето, моторните, когнитивните или говорните способности. Негативните ефекти од недостатокот на сон кај мајките биле поизразени кај момчињата.
Негативните ефекти од недостатокот на сон кај мајките биле поизразени кај момчињата
Недостатокот на сон исто така е поврзано и со промени во метаболизмот на гликозата кај мајката и детето. Претходните истражувања покажале дека недостатокот на сон за време на бременоста може да го зголеми ризикот од гестациски дијабетес.
Речиси 40 % од трудниците страдаат од проблеми со спиењето поради хормонални промени, физичка непријатност, зголемено мокрење и други фактори. Новата студија ја истакнува важноста на дополнителното проучување и борба против несоницата кај бремените жени.
