Некои деца се послободни по природа, додека има и такви кои се срамат кога треба да му се обратат на некој постар, да побараат на гости чаша вода или да направат нешто што ќе го привлече вниманието кон нив. За некои деца срамежливоста е само фаза во растењето која ја надминуваат во одреден момент, додека други остануваат такви и кога ќе пораснат.
Нема ништо лошо во срамежливоста, но факт е дека на таквите деца им е потешко да се изборат за себе во одредени ситуации.
Психологот Наталија Наумова за објаснува која е причината за детската срамежливост.
“Причината за срамежливост може да биде ниската самодоверба, стравот од грешки, недостатокот на самодоверба. Детето се плаши дека родителите ќе го караат”, вели таа.
Психологот истакнува дека срамежливите деца не треба да се караат, туку треба да ја почувствуваат поддршката од родителите за да се подобри ситуацијата.
