Секој родител прави грешки. Немојте да се оптоварувате поради тоа. Тоа не е само флоскула, туку совет на развојниот психолог Ализе Пресман, која зборува за тоа како да се воспитуваат издржливи деца.
„Храбро е да се биде родител. Немате друг избор освен понекогаш и да згрешите. Значи, најдоброто нешто што можеме да го направиме е да почнеме да го моделираме тоа како нормално однесување“, вели Пресман.
Нејзина препорака е да им покаже на децата дека е во ред да се прават грешки и да се учи од нив. Од друга страна, вели дека не треба да им кажуваме на децата да не бидат под стрес или да се расположат кога им е тешко.
„Едноставно погрижете се да се чувствуваат сакани такви какви што се, да се чувствуваат безбедно да ги споделат своите чувства и да се чувствуваат удобно во сопствената кожа“, додава таа.
Учењето да управуваат со тешките емоции во стресни ситуации им помага на децата да развијат издржливост што им е потребна за да прераснат во среќни, успешни возрасни.
„Апсолутно ни треба одреден стрес за да изградиме отпорност“, истакнува Пресман.
Кога родителите помагаат, стресот може да изгради издржливост
Карактеристиката на здраво отпорно дете е тоа што може да помине низ стресна или разочарувачка ситуација, како што е пад на тест или расправија со добар пријател, а сепак да се опорави.
„Тоа е издржливост/отпорност: враќање по неуспех, стрес, дури и по траума“, истакнува психологот.
Се разбира, постојаниот стрес е нездрав. Во повеќето ситуации, треба да се провериме кај нашето дете за да видиме како му оди и да му дадеме до знаење дека го сакаме и го поддржуваме, без разлика на се.
„Тоа е доволно за стресот да не стане токсичен и да не прерасне во загриженост за менталното здравје. Во суштина, само треба да бидете присутни“, заклучува таа.
