Некои трудници се загрижени кога ќе искусат чудни симптоми. Но, нема место за паника. Секоја жена има свое пренатално искуство. Некои знаци на бременоста се „школски“, а некои се сосема неочекувани. Ќе наведеме шест помалку познати симптоми:
1. Топли бранови и потење
Дали сте слушнале за труднички сјај? Тоа не е мит. Ваквиот сјај навистина постои. За време на бременоста, волуменот на крвта може да се зголеми и до 50 проценти. Ова предизвикува природно руменило на образите бидејќи крвните садови се шират веднаш под површината на кожата. Значи, кога ќе забремените, ќе уживате во блескав тен и розови образи, но исто така е можно да доживеете топли бранови и многу да се потите. Ако ви се случи ова, не грижете се, ова се сосема безопасни симптоми.
2. Надуеност
Некои жени често во текот на бременостачесто испуштаат гасови. Да, добро слушнавте! Како што пишува порталот Healthline, причината лежи во производството на хормонот релаксин, кој се лачи за време на бременоста, а кој ги опушта лигаментите, вклучувајќи го и самиот стомак. Не само што релаксинот придонесува за зголемено формирање на гасови, тоа истото го прави и прогестеронот, кој ги релаксира мускулите, вклучувајќи ги и цревните. Така, варењето станува побавно, што доведува до надуеност и подригнување. Затоа е добро да се движите најмалку 30 минути секој ден. Најдобро е да практикувате брзо одење за да го забрзате варењето и да го намалите производството на гасови.
3. Вртоглавица
Вртоглавица и замор се симптоми кои можат да бидат присутни подолго време. Можно е постојано да се чувствувате како собата да се врти околу вас или да се чувствувате постојано уморни. Според Times of India, кај некои жени овие симптоми се појавуваат во првиот месец од бременоста и траат до крајот на бременоста.
4. Алергии и аверзија кон храна
Постојат многу приказни за тоа како трудниците копнеат за одредени видови храна. Во голема мера, ова е вистина. За време на бременоста, нашето тело бара повеќе хранливи материи и повеќе енергија. Но, тоа не значи дека треба да „јадете за двајца“. Во вториот и третиот триместар од бременоста, внесете не повеќе од 350-450 калории во вашата редовна исхрана. Според What’s Up Moms, во текот на бременоста може да станете алергични на одреден вид храна, дури и на онаа што најмногу ја сакате. Мачнината ве прави преосетливи на одредени мириси. Ако се чувствувате лошо кога ќе осетите мирис на некоја храна, се препорачува да ја избегнувате таа храна. Главниот виновник за чувствителноста и одбивноста кон храната се хормоналните промени, особено човечкиот хорионски гонадотропин (hCG), кој служи како идентификатор во тестовите за бременост. Во нормала ќе се врати дури во 11-та недела од бременоста. Дотогаш е одговорен за мачнинаѕа и аверзијата кон храната. Флуктуирачките хормони ќе продолжат да влијаат на реакцијата на вашето тело на храна.
5. Мигрена
Се смета дека повеќе од 25 проценти од жените доживеале мигрена во текот на нивниот живот. Хормоналните промени се меѓу најголемите предизвикувачи на мигрена. Начинот на кој бременоста влијае на мигрената може да биде непредвидлив и недоследен. Според Mommy Bites, само 10 проценти од трудниците ќе доживеат т.н мигрена без аура. Ако вашата мигрена е придруженаи со симптоми на аура, таа би можела да се повторува поради зголемениот естроген што го произведува вашето тело. Може да очекувате слични несакани ефекти ако земате контрацепција базирана на естроген. Од друга страна, би можеле да бидете меѓу 50 до 80 проценти од трудниците кои вообичаено страдаат од мигрена, но поретко чувствуваат главоболки за време на бременоста. Ако вашите главоболки се влошат за време на бременоста, можете да земате и лекови во консултација со вашиот лекар.
6. Ринитис
Друг помалку познат знак на бременост е настинката. Се проценува дека четвртина од трудниците страдаат од алергии, а околу 30% од нив доживуваат симптоми слични на алергија во текот на бременоста, попознато како труднички ринитис. Се чини дека еден од виновниците е хормонот прогестерон, кој го зголемува протокот на крв во носната слузница, предизвикувајќи нејзино отекување, што доведува до запушување на носот, на ист начин како кога сте настинати. Трудничкот стомак само дополнително ја комплицира работата бидејќи ја притиска дијафрагмата, што го отежнува целосното дишење на трудницата. Ова е една од причините зошто може да ви биде тешко да спиете за време на бременоста бидејќи лежењето природно го влошува ринитисот. Не се препорачува земање лекови за ринитис бидејќи не е предизвикан од бактерии или вируси.
