Клучот на сигурно капење и забава за вашето дете е во тоа да бидете до него.
Ова, според педијатарот Томас Фелпс се ненамерни грешки кои родителите ги прават за време на капење на детето.
Оставање на детето без надзор
Никогаш, но баш никогаш не смеете бебето да го оставате само, но и поголемите деца треба постојано да се под надзор. Некои родители мислат дека е во ред да го остават детето на минута или две, но не е.
“Дури и дете од три, четири или пет години може да се лизне и да ја удри главата, а зависно од тоа колку вода има во кадата, може и да се удави. Тоа е како кога возите велосипед, никогаш не знаете кога може да се случи незгода“, објаснува Фелпс.
Неподготвеност
Сунѓери, пешкири, сапун, играчки – многу нешта се потребни за капење, а лесно е да се заборави некоја од нив, а тоа може да ве присили да ја напуштите просторијата.
“Секогаш бидете сигурни дека сте земале се што ви треба пред да пуштите вода, а тогаш нема да морате да излезете од бањата, за нешто да земете“, објаснува понатаму лекарот.
Термометар за вода
Малите деца, а особено бебињата се чувствителни на топло и студено, па треба да бидете внимателни пред да го ставите детето во вода. За да избегнете изгореници, водата треба да биде млака.
“Секогаш проверете ја водата со лактот или со зглобот, бидејќи тоа се делови од телото кои се почувствителни од прстите“, вели Фелпс.
Када полна топла вода
Некои нови родители мислат дека е мудро да ја наполнат кадата со вода, оти така ќе му биде топло на детето. Но, премногу вода го зголемува ризикот од давење, кое може да се случи во само неколку минути. За бебето доволни се пет сантиметри вода во кадата. За поголемо дете доволно е најмногу 12 сантиметри. Како детето расте сами проценете според неговата големина, но бидете внимателни бидејќи када наполнета до половина со вода е доволно детето да се удави.
Капење без подлога за када
Дното на кадата може да биде лизгав, што е особено опасно за мокри деца.
“Малите деца постојано се мрдаат лево-десно и може да паднат, а када станува уште полизгава од сапунот. Имајте на ум дека детето може да удри и во чешмата“, потенцира педијатарот.
Премногу сапун во водата
Сапуните и шампоните може да му влезат на детето во очи, а исто така и нивната кожа е многу чувствителна па треба да се заштити.
“Користете многу нежни детски сапуни. Не е потребна голема количина“, вели Фелпс. Тој советува детето да се измие со сапун на крајот од капењето, за да не седи цело време во таква вода, која може да и пречи на неговата кожа.
Играчки, сунѓери и крпи за капење оставени во вода
Играчки во кои влегува вода може да претставуваат ризик за децата по неколку капења.
“Бактеријата Pseudomonas може да расте внатре во играчките, како што се гумените патки. Обидете се да ја извлечете целата вода од нив по секое капење“, вели Фелпс. Сунѓерите и крпите за капење исто така може да бидат проблематични, додава тој, па затоа препорачува нивно сушење по користењето и редовна смена и чистење.
