Целијакијата е болест предизвикана од имунолошка реакција на внесот на глутен, протеин кој се наоѓа во храната која содржи пченица, јачмен или ‘рж. Ако детето има целијачна болест, консумирањето глутен предизвикува имунолошки одговор на протеинот глутен во неговото тенко црево. Со текот на времето, оваа реакција ја оштетува слузницата на тенкото црево и го спречува во апсорпцијата на хранливи материи, состојба наречена малапсорпција, наведуваат лекарите од Мајо Клиниката.
Целијакијата понекогаш е тешко да се препознае, особено кога станува збор за мали деца кои не знаат како да се пожалат на родителите за одредени непријатности предизвикани од оваа болест. Меѓутоа, педијатрите откриваат дека постојат одредени знаци кои укажуваат на целијачна болест кај децата. Тие се:
- Мачнини или гадење
- Повраќање
- Хронична дијареа
- Надуеност
- Запек
- Грчеви во стомакот
Неможноста да се апсорбираат хранливи материи поради целијачна болест може да резултира и со некои други симптоми кои немаат никаква врска со варењето. Тоа се главно доцнење во развојот, оштетување на забната глеѓ, необјаснето губење на телесна тежина, анемија, раздразливост, одложен пубертет, главоболки и епилептични напади.
