12 симптоми на интолеранција на глутен кај децата

Според Клиниката Кливленд, многу родители ги мешаат алергијата на глутен и интолеранцијата на глутен, кои всушност се две сосема различни работи

Глутенот е протеин кој се наоѓа во пченицата, јачменот, ‘ржта и другите житарки. Го има во многу вообичаени намирници и пијалаци, вклучувајќи тестенини и житарки, а често се наоѓа и во одредени лекови. Според Клиниката Кливленд, многу родители ги мешаат алергијата на глутен и интолеранцијата на глутен, кои всушност се две сосема различни работи.

За разлика од алергијата на глутен или целијакијата, кога симптомите се многу потешки и поопасни, детето кое има интолеранција чувствува само блага реакција по консумирање намирница која содржи глутен. Педијатрите тврдат дека симптомите кои откриваат дека детето може да биде чувствително на глутен се следниве:

  • стомачни грчеви и гасови,
  • стомачни болки,
  • дигестивни проблеми како што се запек или дијареја,
  • анемија,
  • анксиозност,
  • надуеност,
  • проблеми со концентрацијата,
  • зголемен замор,
  • главоболка,
  • болки во зглобовите,
  • гадење,
  • послаб осип на кожата.