Во реалниот живот и родителите грешат, ги губат нервите, а понекогаш и донесуваат погрешни одлуки. За да успеете барем малку да си ја олесните себеси родителската улога, погледнете го овој список на работи на кои не би смееле да го присилувате вашето дете.
Да јаде ако рече дека не е гладно
Лекарите советуваат три големи оброка дневно и пет помали, но сепак треба да имате предвид дека секое дете е различно. Во секој случај, нашите тела не предупредуваат кога треба да јадеме, а кога да пиеме. Размислете дали некогаш сте виделе дете кое нема гласно да даде до знаење ако е многу гладно. Најверојатно не. Затоа, заклучокот е јасен.
Да биде нешто што не е
Ако вашето дете е срамежливо, прифатете ја таа негова особина и не обидувајте се да ја промените. Не го терајте да се дружи со многу деца ако сака да игра само со еден најдобар пријател. Истото важи и за гласните деца.
Да се извинува ако не знае што лошо направило
Често ќе слушнете како родители на игралиште им наредуваат на децата да се извинат за ова или она. Децата ќе се извинат, но не знаат што всушност згрешиле. Значи, првото нешто што треба да направите е да им објасните што згрешиле.
Да му мавта на секој кој ќе му се насмевне на улица
Правилото „не зборувај со странци“ треба да важи за да се заштитат децата од оние кои немаат добри намери.
Да спие во одвоен кревет ако не го сака тоа
За ова секој родител има веќе оформено мислење, но оние малку полибералните ќе се согласат дека децата не треба да се принудуваат на чекори на кои не се подготвени. Оставете го детето само да одлучи кога е подготвено да се одвојување и спиење во сопствен кревет и соба.
Да му воведете диета бидејќи можеби е малку ‘пополничко’
Иако има деца кои треба да ги намалат вишокот килограми, но тоа не значи дека треба да им воведете ригорозна диета. Едноставно треба само да донесете правилни одлуки додека се уште сте во продавница или пазар, да купувате здрава храна, зеленчук и овошје, а не слатки и сокови. Во тој случај, диета нема да биде потребна.
Да го присилувате да прави нешто во што едноставно не е добро
Не ве охрабруваме да воспитувате дете кое лесно ќе откажува, но ако вашето дете ни по неколку месеци тренирање фудбал се уште не ги совладало основните техники, крајно време е да го префрлите на некоја друга активност, што само ќе ја одбере. Да се прави нешто во што си добар е одлично искуство кое влијае на самодовербата.
Да го оставате детето на спиење кај некој друг
Некои деца едноставно не сакаат да спијат кај пријатели. Сакаат кога мама им прави појадок наутро, ја сакаат познатата соба и мирисот. Ако вашето дете вели дека не би сакало да остане кај некој друг, не го оставајте без разлика какви обврски или планови имате. Најважно е детето да се чувствува безбедно и заштитено.
