Факт е дека од респираторните инфекции најтешко може да се заштитиме, додека апсолутна заштита во вообичаените животни услови речиси е невозможна.
Исклучително е важно да имате предвид дека обичната кивавица, што ја има еден од родителите, или постарото дете – може да предизвика сериозно пореметување на дишењето кај новороденчето или доенчето. И до таа мера, да детето мора да се однесе на преглед, а неретко и да се задржи на болничко лекување.
Делување на респираторните инфекции
Новороденчињата и малите доенчиња се таканаречени задолжителни “дишачи на нос“, односно тешко дишат на уста. Затоа, затнувањето на носот за нив прретставува сериозен проблем, кој може да се манифестира со отежнато хранење, загрцнување, модреење на кожата. Освен тоа, компликациите од респираторните инфекции, како што се воспаление на средното уво или на белите дробови – наастануваат многу полесно кај децата на возраст од неколки месеци, а траат подолго отколку кај постарите деца и возрасните.
Зголемената чувствителност на респираторни инфекции е последица на незрелиот, а со самото тоа и послаб имунитет во раната животна возраст.
МЕРКИ НА ПРЕВЕНЦИЈА ОД ПРВ РЕД
Инфекциите најчесто ги пренесува некој од семејството (мајка, татко, постар брат или сестра…). затоа е најважно домашните да се труат да останат здрави. Често тоа е тешко остварливо, особено избегнувањето на голем број луѓе во затворен простор, оти родителите одат на работа, а постарите деца во училипте или градинка.
Но, постапката која е остварлива, е често миење на рацете во сезона на настинки, особено ако во близина има лица кои кашлаат, киваат или ги боли грло. Причината е едноставна: утврдено е дека овие инфекции се пренесуваат по капков пат, но и преку раце, односно секретот на дишните патишта кои доаѓа до рацете.
Кога станува збор за новородено бебе, треба да се спомене нашиот традиционален обичај на викање на роднини и пријатели по излегување на мајката и на бебето од родилиште. Веројатноста некој од домашните да добие респираторна инфекција во сезона на настинки е огромна. Одговорност на секое смејество е добро да размисли како ќе го организира доаѓањето на луѓе во домот, оти може да се претвори во лекување на нвоороденчето.
Ако заболи постариот брат или сестра, мерките на превенција зависат од возраста на детето. Многу е полесно да се ограничи контакт со постаро дете – возраст над 5-6 години. Ако се работи за помало дете, се зависи од органзиација на семејниот живот, но на секој начин треба да се обиде превенција од пренос на респираторни инфекции на најмладиот член на семејството.
Ако некој од домашните сепак се разболи, треба да се применат мерки на превенција од втор ред. Кога се работи за родител, се советува другиот да ја превземе грижата за детето, ако е можно. Ако мајка која дои има респираторна инфекција, треба да става хируршка маска и уредно да ги мие рацете пред секој подој на бебето и приоѓање до него.
