Варичела е една од најчестите заразни болести кај децата на возраст од 1 до 7 години. Болеста е популарно позната како овчи сипаници. Иако симптомите се непријатни, повеќето луѓе се опоравуваат во рок од една до две недели. Болеста не е опасна, но во некои случаи можни се компликации, особено кај лица со послаб имунитет или кај трудници.
Варичелата најчесто се јавува во форма на епидемија во детските колективи.
Предизвикувач на овчите сипаници е варичела-зостер вирус кој предизвикува две различни болести: овчи сипаници и херпес зостер. Додека овчите сипаници се претежно детска болест, херпес зостер најчесто ја погодува постарата популација, со реактивирање на латентниот вирус.
Веднаш штом ќе забележите каков било осип или покачена температура, контактирајте го вашиот лекар. Лекарот ќе постави дијагноза и болеста ќе исчезне во зависност од организмот за една до две недели. Доколку детето не почне да закрепнува, туку температурата повторно почнува да се зголемува – задолжително повторно јавете се на лекар
Во почетната фаза на болеста, вирусот се наоѓа на слузницата на дишните патишта, за подоцна да навлезе во крвотокот, а на крајот може да се изолира од промените на кожата. Најголем ризик од инфекција имаат невакцинираните лица, луѓето кои никогаш немале сипаници и лицата со ослабен имунитет. Болеста се пренесува со директен контакт, кашлање, кивање или преку воздух.
Секое дете кое не прележало варичела и кое дошло во контакт со друго заразено дете има можност да добие сипаници. Воедно, загрозени се и мајката и таткото на заболеното дете доколку не стекнале имунитет на варичела односно не прележале. Вирусот се шири лесно и брзо.
Овчите сипаници оставаат траен имунитет, па луѓето кои прележале варичела не можат повторно да се разболат.
Трудница која нема прележано овчи сипаници не би требало да дојде во контакт со заразено дете, бидејќи варичелата може негативно да влијае на исходот од бременоста. Детето е заразно два дена пред појавата на сипаниците и е заразно се додека не се исушат сите промени на кожата, а нови не се појавуваат. Болеста трае околу две недели.
Како да ги препознаете овчите сипаници?
Периодот на инкубација трае помеѓу две и три недели. Тоа е периодот од контакт со заразено лице до појава на првите симптоми на болеста. Првите симптоми, пред да се појави карактеристичниот осип, се појавуваат во форма на слабост, замор, болки во мускулите и зглобовите, треска, повраќање и главоболка. Тогаш организмот е веќе заразен.
Следната фаза во развојот на болеста е појавата на карактеристични мозолчиња, кои потоа се полнат со течност и се формираат везикули. Течноста потоа станува заматена и жолтеникава. Везикулите пукаат и се формираат красти, кои се сушат и отпаѓаат. Осипот се јавува по целото тело (и на гениталиите, на надворешниот слушен канал, може да биде и на слузокожата и тогаш е многу непријатен). Осипот се појавува во неколку наврати.
Третман
Не постои лек кој се користи директно за варичела. Се спроведува таканаречена симптоматска терапија. Тоа значи дека се користат лекови за намалување на температурата доколку се појави, а сипаниците се третираат со специјални средства кои го ублажуваат чешањето и непријатноста. Пациентот се изолира.
Бидејќи вирусот го ослабува имунитетот на детето, може да се јават и секундарни бактериски инфекции, воспаление на средното уво, бронхитис, пневмонија, воспаление на мозокот, кои се лекуваат со антибиотици. Овие компликации лесно се забележуваат бидејќи наместо детето да закрепне, повторно се појавуваат треска и кашлица. Важно е навреме да се консултирате со лекар за да може навреме да се започне со терапија
Како да се ублажи чешањето?
Ублажувањето на чешањето е важно бидејќи кога меурчињата ќе пукнат, тие места се подложни на инфекции, бактерии кои вообичаено живеат на кожата. На овој начин бактериите допираат до подлабоките слоеви на кожата, настанува инфекција и на овој начин се создаваат грди лузни. Затоа една од главните грижи е како да се спречи чешањето од сипаници.
Кожата треба секојдневно да се посипува со стерилен талк, кој го намалува чешањето и ги суши везикулите. Пењата за ладење ги ублажува симптомите на овчи сипаници и се користи за брзо ублажување на иритацијата, чешањето и осетливоста поврзана со овчите сипаници.
Дали дете кое има овчи сипаници може да се капе?
Одржувањето на хигиената и редовното капење не се изоставува и е пожелно. Децата се капат редовно за да се спречи секундарна инфекција предизвикана од бактерии.
При бришењето треба да бидете многу внимателни за да не дојде до пукање и ширење на секретот од везикулите. Бришете го детето со впивање на водата од кожата со крпа. Ако дошло до секундарна инфекција, се користат антибиотски масти по препорака на лекар.
Можни компликации
Бидејќи вирусот го ослабува имунитетот на детето, може да се јават и секундарни бактериски инфекции, воспаление на средното уво, бронхитис, пневмонија, воспаление на мозокот, кои се лекуваат со антибиотици. Овие компликации лесно се забележуваат бидејќи наместо детето да закрепне, повторно се појавуваат треска и кашлица. Важно е навреме да се консултирате со лекар за да може навреме да се започне со терапија.
Кога треба да се јавите на лекар?
Веднаш штом ќе забележите каков било осип или покачена температура, контактирајте го вашиот лекар. Лекарот ќе постави дијагноза и болеста ќе исчезне во зависност од организмот за една до две недели. Доколку детето не почне да закрепнува, туку температурата повторно почнува да се зголемува – задолжително повторно јавете се на лекар.
