Со години слушаме дека овесните снегулки се одличен избор за здрав појадок, но едно истражување покажало дека тоа не е секогаш така. Всушност, овесните снегулки може да бидат причина повторно да бидете гладни час или два по појадокот.
Имено, една интересна студија јасно покажала какво влијание има овесот на нашиот организам во споредба со другите видови појадок. Научниците од Харвард, предводени од професорот Дејвид Лудвиг, на група тинејџери им дале три различни појадоци кои имале ист број калории, но различен состав. Тоа биле инстант овесна каша, интегрален овес и омлет.
По појадокот, учесниците останале затворени во просторија, а лекарите им ја проверувале крвта секој час. Тие, исто така, можеле да притиснат копче во моментот кога повторно ќе почувствуваат глад. Резултатите биле многу јасни – оние кои појадувале овесни снегулки биле гладни многу порано од оние кои јаделе омлет за појадок.
Зошто по овесна каша повторно брзо се огладнува?
Проблемот е што овесните снегулки предизвикуваат нагло зголемување на шеќерот во крвта. Телото потоа брзо лачи големи количини на инсулин за да го врати шеќерот во крвта на нормално ниво, што предизвикува пад на шеќерот во крвта и дополнително чувство на глад. Дополнително, телото ослободува хормони на стрес во процесот, што го отежнува контролирањето на апетитот и нивото на енергија во текот на денот.
Со други зборови, овесните снегулки на почетокот “полнат“ со енергија, но многу брзо доаѓа со “пад“, предизвикувајќи повторно да посегнете по грицки.
Од друга страна, групата која јадела омлет, односно појадок богат со протеини и масти, имала постабилно ниво на шеќер во крвта и подолго чувствувала ситост. Дури и грубо мелените, непреработени интегрални овесни снегулки предизвикувале слични резултати како и обичната инстант овесна каша.
Ова не значи дека овесот не е здрав. И понатаму е добар избор поради влакната, но ако сте постојано гладни уште во претпладневните часови и брзо посегнувате по грицки, можеби е време да размислите за промена на појадокот.
Добра опција може да биде, на пример, појадок богат со протеини, како јајца или омлет – што докажано одржува подолга ситост од житарките.
Значи, ако забележите дека брзо огладнувате по овесната каша, размислете за појадок кој содржи повеќе протеини, како јајца или омлет. Стомакот ќе ви се заблагодари и веројатно ќе ви биде полесно да го поминете ручекот без непотребно грицкање.
