Ако вашето дете има една година и сè уште не оди, тоа не значи дека има проблеми со моториката. Ако, пак, прооди значајно пред типичната возраст, тоа не значи дека на крајот ќе стане олимпиец. Времето во кое треба да се случи некој пресврт е само насока, а не факт или правило.
Речиси сите пресвртници се флексибилни, а опседнувањето со нив може да им нанесе повеќе штета на вашето дете и на вас. И тоа е точно за сè, од вртење на стомак до изговарање на првите зборови, но тоа е особено точно за некои од големите пресвртници како што се ползење, спиење цела ноќ, јадење цврста храна, навикнување на нокшир и говор.
Еве шест пресвртници кои родителите никогаш не треба да ги брзаат кај бебето- и кога всушност треба загрижат поради нив.
Пресвртница 1: Спиење цела ноќ
Ова е вообичаена „опсесија“ на секој родител. Секако, постојат оправдани и објективни причини за ова – родителите не можат да спијат цела ноќ додека нивното бебе не го направи истото. Многу бебиња можат да спијат од 6 до 8 часа одеднаш до 3 или 4 месеци, со неколку дремки во текот на денот. Оваа временска рамка може да ви помогне така што ќе ве насочи како и кога да се обидете со овие подолги периоди на спиење, но добар целоноќен сон може да се случи многу подоцна од ова.
Пресвртница 2: Изговарање на првите зборови
Повеќето едногодишни деца имаат околу еден збор во својот речник, а развиваат околу 10 зборови до 15 месеци и 50 зборови до 2 години. Но, сето тоа е само просек. Секој родител умира да го слушне своето бебе како го кажува првиот збор, но времето во кое тоа се јавува е прилично флексибилно. Исто така, постојат многу различни примери на зборови, од вистински зборови до слогови, извици, животински звуци и гестални знаци кога станува збор за комуникација. Се додека нешто од ова се случува, нема потреба да се грижите за развојот на јазикот на детето. Присилувањето на детето да зборува може да го обесхрабри да се обиде да комуницира ако тоа го поврзува со негативни искуства.
Пресвртница 3: Префрлување на цврста храна
На возраст од 6 до 8 месеци, повеќето деца се подготвени да јадат цврста храна. Сепак, некои деца можеби се повеќе или помалку љубопитни кога станува збор за различни конзистентност и текстура на храната. Наместо да брзате кон оваа пресвртница, обидете се да ги набљудувате потребите на вашето бебе и знаците за хранење и да поттикнете самостојно одвикнување од кашички, бидејќи вродениот инстинкт на бебето е да ја истражува храната со свое темпо. Присилното хранење на вашето малечко со цврста храна носи ризик да создаде аверзија или страв од неа, а тоа го поткопува односот на вашето дете со храната. Исто така, поткупувањето на детето да јаде цврста храна со слатки и нездрава храна, исто така може да придонесе за нездрави навики подоцна.
Пресвртница 4: Ползење
Лазењето обично започнува на возраст од 7 до 10 месеци. Често се вели дека е голема пресвртница бидејќи ги опфаќа способностите за физички, ментален и емоционален развој. Но, излегува дека ползењето и не е толку голема работа. Некои деца дури и целосно го прескокнуваат лазењето. Наместо да лазат, овие деца се движат на задникот, користејќи ги рацете. Други деца се тркалаат од место до место. Некои лазат како ракови, други лазат како мечки, некои дури и лазат како командоси со стомакот на подот. Тоа не значи дека тие имаат моторни проблеми и лесно можат да почнат да одат кога тоа го прават и нивните врсници.
Пресвртница 5: Одење
Насоките на педијатарите наведуваат дека одењето е пресвртница што обично се постигнува до 12. месец, но и тука постои голема флексибилност и нема причина за аларм доколку оваа пресвртница не се случи во тоа време. Ако не одат до 18 месеци, или не одат рамномерно до две години, тогаш вреди да се провери кај педијатар. Во овој период се уште има доволно време за рана интервенција доколку е потребно.
Пресвртница 6: Навикнување на нокшир
На возраст од 2 до 3 години, децата можеа да почнат да се збогуваат со пелените. Бидејќи ова е време кога некои деца почнуваат во градинка, одвикнувањето од родителите предизвикува многу стрес. Но, не е крај на светот ако детето не ги тргне пелените до двегодишна возраст.
Присилувањето може да доведе до полоши последици. Детето може да се исплаши и да биде под стрес поради извршувањето нужда, па тоа да го задржува – што може да доведе до хронични здравствени проблеми, запек или инфекции на уринарниот тракт.
