Како што предупредуваат педијатрите најголема опасност од давење им се заканува на децата на возраст под четири години и со самото тоа тие се во најризичната група. Исто така, дете буквално може да се удави во рок од 20 секунди, што може да се случи во када, детски базен или море. Токму затоа е важно родителите никогаш да не го остават своето дете надвор од видно поле кога е во близина на вода.
Но, освен класичното давење, постои и таканаречено суво давење, кое исто така е опасно по живот. Според порталот Parents, суво давење се случува кога водата не стигнува ни до белите дробови, но дишењето во вода доведува до тоа да гласните жици на детето се згрчат и затворат. Ова, објаснуваат педијатрите, се случува дури подоцна, откако детето веќе ќе излезе од вода.
Но, многу родители ги интерсира како да препознаат дека кај детето дошло до суво давење? Иако самиот инцидент во вода често поминува незабележан и симптомите на суво давење се видливи дури подоцна, сепак е можно да се препознаат. Тие обично го вклучуваат следново:
- Кашлица која не поминува
- Тешко дишење
- Болки во градите
- Повраќање
- Раздразливост
- Поспаност.
Педијатрите предупредуваат и дека при појава на некој од наведените симптоми, потребно е веднаш да се побара лекарска помош, особено доколку се појават потешки симптоми како губење на рамнотежа или свест.
