Кога децата се вознемирени, наоѓањето на вистинските зборови може да биде клучно за нивно смирување. Но, родителите понекогаш може да се чувствуваат збунети во такви ситуации.
Едукаторката за воспитување и психолог Џејми Блох споделува неколку совети, истакнувајќи шест фрази кои можат да ги смират децата и да ги поттикнат да зборуваат за нивните грижи и проблеми.
Фразите се следните:
- „Јас сум тука, безбеден/а си“.
- “Знам дека оваа ситуација е тешка за тебе, кажи ми како се чувствуваш. Ти благодарам што си толку храбар/а”.
- „Можеш ли да ми кажеш повеќе за тоа?
- „Колку е голема твојата грижа?
- „Што сакаш да кажеш за оваа грижа? Да и дадеме име за да можеме да разговараме со неа?
- „Леле, тоа звучи навистина тешко. Зошто не се обидеме да го промениме крајот? Што друго може да се случи?
„Анксиозноста е нормално човечко искуство. Всушност, неопходно е и корисно да се има одредено ниво на вознемиреност или грижа кога се соочувате со опасност. За малите деца, некои вообичаени причини за анксиозност вклучуваат гласни звуци, нови луѓе и нови места, се кои се нормални реакции на тие ситуации“, објаснува Блох.
Но, за среќа, овие фрази можат да помогнат да се смири анксиозноста кај децата.
