Резултати од нова студија покажале дека пациентите со клинички дијагностицирани невролошки симптоми поврзани со КОВИД-19 имаат шест пати поголема веројатност дека ќе починат во болница, во споредба со пациентите без невролошки компликации.
Од клинички дијагностицираните синдроми, акутната енцефалопатија била најчеста и зафаќала речиси половина од болните, по што следи кома (17%) и мозочни удари (6%). И покрај загриженоста поради способноста на новиот коронавирус SARS-CoV-2 директно да го нападне мозокот и да предизвика отекување и воспаление на мозокот – менингитис и енцефалитис, тие ситуации биле многу ретки и се јавуваат кај помалку од еден процент од хоспитализираните пациенти со КОВИД-19.
Треба да се истакне дека постоењето на било какви невролошки симптоми поврзани со КОВИД-19, од нешто навидум незагрижувачки како губење на мирисот до поголеми компликации како мозочен удар е поврзано со шест пати поголем ризик од смртен исход.
Студијата е објавена на JAMA Network Open
