Како и секој родител, педијатарот и мајка Кели Фрадин знае колку е тешко да се грижиш за болно дете. Д-р Фрадин вели дека кога нејзините деца се болни, таа секогаш обрнува внимание на пет работи кои ги наведува во продолжение.
Ако имаат температура, но спијат, никогаш не ги буди за лекови
Спиењето е важно за оздравување, закрепнување и раст, а тешко е да наспиеме кога кашламе или имаме затнат нос.
“Со тоа што им дозволуваме на децата да се одморат, обезбедуваме да имуниот систем на децата подобро со избори против вирусите“, истакнува педијатарот.
Секогаш дава лек за намалување на температурата ако децата не изгледаат добро
„Доколку детето има температура и дише побрзо или потешко, пие помалку течност или не може да се наспие, не би се двоумела да му дадам безбедни и ефикасни лекови како што е ибупрофен“, порачува д-р Фрадин, но напоменува дека е неопходно да се посети лекар ако ги користите лековите најмалку три пати на ден, подолго од три дена.
Секогаш внимателно ги набљудува децата
Д-р Фрадин тврди дека термометрите не се најпрецизни и затоа предупредува: „Погледнете го вашето дете пред да почнете да паничите“.
Ако децата се добро, дишат нормално и се хидрирани, ситуацијата веројатно не бара итна медицинска помош. Исто така, ако детето изгледа многу болно, а термометарот вели дека нема температура, можеби сепак ќе му треба лекарска помош.
Против кашлица не користи ништо друго, освен мед
Американската академија за педијатрија не препорачува лекови против кашлица, а со тоа се согласува и педијатарот.
„Сирупите против кашлица понекогаш ги имаат истите состојки како лековите за намалување на температура, што значи дека може да доведат до предозирање. За деца постари од една година користам исклучиво мед или сируп против кашлица со мед како главна состојка. Се покажа дека тие делуваат исто како и другите лекови, но со помалку ризици“, вели таа.
Никогаш не ги ги мери лековите со лажички
Дозите на лекови за деца зависат од возраста и тежината, а лажичките се со различна големина. Поради ова, д-р Фрадин секогаш ги проучува упатствата за дозирање на лекот во милилитри и им ги дава на децата со помош на шприц за да се увери дека ја дала точната доза на лекот.
