Колку треба да бидат загрижени родителите за нивните здрави деца и коронавирусот?
Во најголем дел, родителите загрижени за своите мали деца и КОВИД-19 можат да возднивнат. „Она што е дел од сето ова е тоа дека децата општо се поштедени од коронавирусот“, вели д-р Жаклин Џонс, педијатар за уво, нос и грло од Њујорк.
„Само 2,4% од сите пациенти во Вухан беа педијатриски пациенти. Нема ниту еден смртен случај кај педијатриски пациенти во светот. Во Јапонија нема смртни случаи кај лица под 50 години. Ако ги погледнете бројките, стапката на смртност кај деца на возраст од 0-9 години е помала од 0,01%; додека кај оние на возраст од 10-19 години, тоа е 0,02%. И да, тоа е исклучително ниско. Како и досега, тоа не влијаело на ниту едно дете“, објаснува д-р Џонс.
Значи, родителите треба да се чувствуваат смирено дека децата не се изложени на ризик да станат сериозно болни ако се заразат со КОВИД-19 вирусот. Таа исто така нагласува дека обичната настинка е коронавирус и дека децата добиваат од пет до шест вообичаени настинки годишно. „Децата имаат поактивен имунолошки одговор, затоа што тие секогаш се стимулираат“, вели таа. „Овие се навистина утешни податоци за огромното мнозинство родители“.
Ова исто така значи дека кога училиштата се затвораат, тоа не е затоа што надлежните се загрижени за здравите и способни деца кои можеби ќе добијат КОВИД-19. Тоа е повеќе заради загриженоста дека возрасните може да ја добијат болеста и да ја прошират на други возрасни. Значи, ако кај вас се затворени училиштата, тоа е претпазливост од големи размери за да се спречи ширењето болеста во земјата.
Што ако инаку здраво дете има треска, сува кашлица или други симптоми на КОВИД-19?
Д-р Даниел Грисман, педијатар и неонатолог на Детската клиника во Јужна Флорида, разбира дека родителите се загрижени. Според него, ако детето се разболи, ова се неколку работи што треба да ги имате предвид.
- Ако вашето инаку здраво дете има треска од низок степен, треба да се јавите кај вашиот лекар, наведете му ги симптомите со кои се соочува детето и прашајте дали треба да дојдете на директен преглед.
- Ако вашето дете има покачена телесна температура, и таа се намали, а детето инаку е смирено, активно и пие, не грижете се. Но, имајте го на око, иако ова се знаци дека вашето дете се чувствува многу подобро.
- Ако вашето дете има зголемена температура/треска, но пие повеќе течности, тогаш е веројатно дека состојбата му се влошува.
Ако вашето дете има температура, но е разиграно и нормално се однесува, не грижете се.
Ако температурата кај детето се намали, но тоа сепак се чувствува лошо и болно и при нормална температура, тоа е загрижувачко и потребен е преглед кај педијатар.
Доколку температурата падне, и детето се однесува нормално, родителите сепак треба да внимаваат на предупредувачките знаци – лошиот изглед, дали детето доволно јаде и пие, не користи тоалет, спие многу или се чувствува исцрпено. Во таков случај треба веднаш да го информира педијатарот.
Што ако моето имунокомпромитирано дете има симптоми на коронавирус?
Ова е малку посложено, бидејќи имунокомпромитираните деца се изложени на поголем ризик. И д-р Грисман вели дека неговиот праг на загриженост е поголем ако тие деца покажат симптоми.
„Ако имунокомпромитиран пациент, особено во моментов, со коронавирусот и сите други вируси, има телесна температура од 38,3 или 38,8 степени и не изгледа добро, би сакал веднаш да го прегледам“, вели тој.
Родителите на имунокомпромитирани деца, како што би правеле нормално, како мерка на претпазливост, треба да консултираат лекар или друго стручно лице, бидејќи едно е сигурно за КОВИД-19, а тоа е дека потешко ги погодува послабите, хронични и чувствителни пациенти.
