Леукемијата ги погаѓа крвните клетки, во повеќето случаи белите крвни зрнца во нашето тело. Како што објаснуваат лекарите, белите крвни зрнца нормално се развиваат од матичните клетки во коскената срцевина, а кога овие клетки растат ненормално, се јавува леукемија. Според податоците од Националниот институт за рак во САД, тој е најчестиот вид на рак кај децата и тинејџерите.
Дијагнозата на леукемија може да биде застрашувачка за секој родител, но добрата вест е дека стапките на преживување продолжуваат да се подобруваат. Токму затоа педијатрите предупредуваат на најраните симптоми на леукемија кај децата за да можеме навреме да ги препознаеме. Според Medical News Today, првите симптоми на леукемија вклучуваат:
- Чести инфекции
- Необјаснива појава на модринки
- Бавно зараснување на раните
- Хроничен замор
- Надуеност
- Ослабен апетит
- Нагло губење на телесна тежина
- Болки во коските и зглобовите.
Покрај овие симптоми кои се најчести и се појавуваат на самиот почеток на леукемијата, постојат уште некои знаци кои исто така можеме да ги препознаеме и кај децата со леукемија. Тоа се анемија, кашлица која не поминува, проблеми со дишењето, мачнина придружена со повраќање и напади.
