Петтата година е голема пресвртница. Детето веќе не е мало и оваа транзиција дава можност за поголема независност и одговорност. Ова е совршено време да го научите вашето дете некои основни, но важни информации.
Децата под пет години можат да следат упатства кога се во опасност, а по петгодишна возраст почнуваат да ги разбираат причините зошто постојат безбедносни правила. Тоа значи дека можат да ги разберат и последиците од пркосењето на истите.
Според педијатарот Кристина Џонс, ова се пет клучни работи кои секое 5-годишно дете треба да ги знае.
Основни лични податоци
Петгодишно дете треба да ги знае името и презимето на неговите родители, како и неговата адреса и местото или градот во кој живее. На крајот, телефонскиот број или бројот на мобилниот телефон на еден од родителите исто така спаѓа во категоријата лични податоци.
Користењето на мелодија што децата веќе ја знаат може да помогне детето да научи важни детали, како и да му помогне да ги запомни.
Што да направи ако се изгуби
Ако детето се изгуби, треба да се побара други возрасни со деца и да замоли за помош, вели д-р Џонс. Ако не можат да ги забележат, научете ги да побараат униформирана личност, како што е полицаец или чувар или службеник во продавницата каде се наоѓаат.
Да не отвора врата без возрасно лице
Петгодишните деца ќе се возбудат кога ќе го слушнат ѕвончето, но треба да им се објасни дека врата смеат да отвораат само ако со нив е возрасно лице, бидејќи од другата страна може да биде странец, а тие не можат да знаат дали е доверлив.
Изршување едноставни задачи
Кога децата ќе наполнат пет години, можеби ќе забележите дека тие се нудат да ви помогнат во одредени работи што ги правите. Одлично е да ги вклучите децата во домашните работи и да им дозволите да чувствуваат гордост кога ќе ја завршат задачата.
Во исто време, важно е да се научи детето да ги знае границите. На пример, во ред е тоа да ја постави масата, но дозволете ракувањето со ножеви да им се препушти на возрасните.
Да повика итна помош во итен случај
Децата на возраст од пет треба да знаат како да се јават на Брза помош. Затоа е важно да го знаат кодот за отклучување на вашиот мобилен телефон и како да повикаат 112 и да замолат за помош. Исто така, важно е да разговарате со детето кога е оправдано повикување на помош.
