Среде сезоната на грип, новиот термин што се почесто го слушаме е коинфекции, што значи дека два или дури повеќе вируси инфицираат иста личност во исто време. Имено, кога детето ќе добие температура или ќе покаже знаци на болест, првото прашање што си го поставуваме е: дали е грип? Оваа година грипот е многу присутен и прилично силен, па сите настојуваме да го избегнеме. Но, освен грип, оваа зима циркулираат и многу други вируси, поради што станува тешко да се следи кој каков вирус има. Често, откако ќе утврдиме дека е вирусна инфекција, фокусот ни останува на ублажување на симптомите, без разлика за кој вирус станува збор.
Лекарите постојано предупредуваат дека она на што треба секако да се внимава се проблемите со дишењето. Ако детето има проблеми со дишењето, потребно е да се побара лекарска помош
Сепак, родителите кои одат со своите деца на итна помош и посетуваат педијатар во болница, обично дознаваат попрецизно со што се соочуваат. Често се прават тестирања за повеќе инфекции истовремено, а неретко резултатите покажуваат дека детето не е заразено само со еден, туку со два вируса во комбинација. Ова изненадува многумина и ги тера да се прашуваат зошто се случува тоа. Терминот е коинфекции – два или повеќе вируси што ја инфицираат истата личност истовремено.
Педијатар објаснува зошто се зголемуваат случаите на коинфекција кај децата и што можат родителите да направат за да ги спречат нивните малечки да се разболат.
„Пред Ковид, не секогаш ги тестиравме заболените деца за толку многу различни вируси одеднаш“, вели д-р Камил Сабела, специјалист за педијатриски инфективни болести во „Cleveland Clinic Children’s“. „Но, сега кога можеме да тестираме повеќе вируси истовремено и го правиме тоа почесто, откриваме дека има многу коинфекции.“
Иако многу вируси се пренесуваат преку воздухот, повеќето како РСВ, сепак, се шират преку близок контакт, а важен чекор во спречување на инфекцијата се чистите раце. Ова е особено важно за децата кои дел од времето го поминуваат во колектив. Се разбира, кога децата се болни, треба да останат дома што е исто така важна мерка за превенција
Коинфекциите, односно истовремените инфекции со два вируса, можат да се случат во разни комбинации со вирусите што моментално циркулираат, а тестирањето е сепак – важно. Важно е да знаеме со каков „непријател“ се бориме за да може што поефикасно да го лекуваме детето. И иако ни звучи драматично дека детето има два вируса одеднаш, повеќето деца го поднесуваат тоа прилично добро.
Повеќето деца ги пребродуваат актуелните вируси дома, со симнување на температурата, инхалации, олеснување на кашлицата и слично – во зависност од видот на вирусот и симптомите што ги предизвикува. Но, лекарите постојано предупредуваат дека она на што треба секако да се внимава се проблемите со дишењето. Ако детето има проблеми со дишењето, потребно е да се побара лекарска помош. Исто така, важно е да се посети лекар ако на родителот му се чини дека состојбата на детето се влошува со текот на времето, наместо да се подобрува.
Како да се заштитиме?
Што се однесува до превенцијата од овие вируси, најдобриот начин е наједноставниот – миење на рацете. Уште за време на најсилните инфекции со коронавирусот научивме (односно се потсетивме) дека тоа е најважната форма на превенција, па мора да продолжиме да го практикуваме и понатаму.
„Иако многу вируси, навистина, се пренесуваат преку воздухот, повеќето како РСВ сепак, се шират преку близок контакт, а важен чекор во спречување на инфекцијата се чистите раце. Ова е особено важно за децата кои дел од времето го поминуваат во колектив. Се разбира, кога децата се болни, треба да останат дома што е исто така важна мерка за превенција“, советува д-р Сабела.
