На ниту еден родител не му е лесно кога детето му е болно и има покачена температура, па затоа педијатарката д-р Лорен Хјуз споделува практични совети за родителите кои се грижат за болно дете дома. Таа нагласува дека не е секогаш потребно да се намали покачената температура ако детето се чувствува добро и нема изразена непријатност.
Таа истакнува дека капењето во ладна вода или обидот за ладење само може да ја зголеми непријатноста.
„Кога детето има покачена температура, неговото тело активно се обидува да се загрее“, вели Хјуз. „Оставете го да се застопли и чувствува удобно бидејќи тоа ќе му помогне побрзо да оздрави. Температурата има своја цел. Меѓутоа, ако на детето му е лошо, препорачува да се даваат лекови за ублажување на симптомите, без оглед на висината на температурата.
Родителите не треба премногу да се загрижуваат ако дете со покачена температура одбива храна. „Тоа е во ред“, вели Хјуз. „Најважно е да пијат течности – тие треба да пијат, пијат и пијат“. Исто така, нагласува дека детето треба да уринира најмалку три пати во 24 часа. Ако е помалку од тоа, треба да побарате лекарска помош.
При покачена температура, забрзаната работа на срцето може да предизвика побрзо дишење, што само по себе не е проблем. „Загрижувачки е ако детето има потешкотии со дишењето“, вели Хјуз. „Можат да дишат малку побрзо, но не треба да покажуваат никаков напор“.
Ако детето повраќа или чувствува мачнина, течности треба да се даваат во мали количини. „Советувам мали, чести голтки“, вели Хјуз. „Премногу одеднаш може да предизвика повеќе повраќање. Таа додава дека постепеното внесување течности го спречува преоптоварувањето на желудникот. „Телото се обидува да го исфрли она што му пречи“, објаснува таа.
