Прекумерната тежина во првата година од животот го зголемува ризикот од дебелина (гојазност/обезност) во училишната возраст, која потоа во 80 проценти од случаевите прераснува во вишок килограми во возрасниот период, тврдат педијатрите.
Дебелината е водечка причина за заболувања и смртност кај децата и адолесцентите, поради зголемиот ризик за појава на хипертензија, покачен холестерол, атеросклероза и дијабетес тип 2.
“Вишокот телесна тежина го зголемува напорот за детското срце, што директно влијае на крвниот притисок, нивото на холестерол и триглицериди во крвта, како и на развојот од шеќерна болест. Доколку оваа состојба е долготрајна, повеќекратно се зголемува ризикот од коронарни болести, инфаркт, болести на жолчното ќесе и некои форми на карцином“, вели д-р Гордана Илиќ, педијатар.
ПСИХОЛОШКИ ПРОБЛЕМИ
Со оглед дека гојазните деца имат и проблеми од психолошка и социјална природа, најчесто поради тоа што околината ги смета за тромави и мрзливи, тие често се чувствуваат загрозено.
“Тоа е уште една причина поради која педијатрите предупредуваат дека решението на проблемот не треба да се одложува, туку навреме да се разјасни причината за обезноста и детето да се вклучи во програма за лекување на проблемот“, истакнува д-р Илиќ.
Според неа, дебелината е поврзана и со многу други, помалку познати проблеми, како што се стамата и други белодробни болести, ортопедски проблеми, болки во нозете и грбот, како и гастроинтестинални компликации.
Во детската возраст најзначајни се семејната или идиопатска гојазност, која се појавува во склоп на генетските синдроми, но и обезност од ендокрина природа. Постои висока корелација помеѓу обезни родители и бебе со прекумерна тежина.
“Ако двајцата родители се со нормална телесна тежина, гојазност се јавува во девет отсто од случаевите. Ако едниот родител е со прекумерна тежина, а другиот со нормална, до обезност кај детето доаѓа во половина од случаевите. А, кога двајцата родители се обезни, процентот на деца со вишок килограми е 75%. Во мал процент случаи, само три отсто, прекумерната тежина е спореден синдром на некои другии болести“, потенцира докторката.
