Воспалението на увото е еден од најчестите здравствени проблеми кај децата, а на тригодишна возраст дури 70 отсто од децата барем еднаш ја преболуваат оваа непријатна ситуација. Во најголем број случаи се работи за таканаречена инфекција на средното уво, а најчесто ја предизвикуваат бактерии кои речиси сите деца ги имаат во носот и во грлото. Инфекциите на увото најчесто се јавуваат по вирусни инфекции на респираторниот тракт, како настинка или грип, пишува „Up To Date“.
Како што објаснуваат педијатрите, инфекциите на увото обично се предизвикани од бактерии кои често се јавуваат по воспалено грло, настинка или инфекција на горниот респираторен тракт. Инфекцијата ја предизвикува акумулација на вишок течност зад тапанчето, кое го дели надворешното од средното уво.
Доколку детето често има воспаление на увото кое не се лекува правилно, во некои случаи може да дојде до трајно оштетување на слухот, предупредуваат педијатрите
Симптоми на воспаление на увото кај децата
Следниве знаци ќе ви помогнат да препознаете дали детето има воспаление на увото, особено ако е сè уште мало и не може само да каже што го мачи:
- проблеми со слухот,
- потешкотии со спиењето,
- често повлекување за уши,
- покачена температура,
- послаб апетит,
- повраќање,
- дијареја.
Доколку детето често има воспаление на увото кое не се лекува правилно, во некои случаи може да дојде до трајно оштетување на слухот, предупредуваат педијатрите.
