Лесно е да одлучите каде ќе спие вашето бебе кога ќе се вратите дома од породилиштето. Повеќето родители во почетокот одлучуваат да ја делат својата спална соба со бебето бидејќи тоа е посигурно и полесно. Но, во одреден момент можеби ќе сакате да си ја вратите вашата спална соба назад.
Американската академија за педијатрија не препорачува детето да почне да спие во своја соба веднаш по раѓањето, пишува „Huckleberry Care“.
Некои деца се подготвени да се префрлат во своја соба на шест месеци, додека други не се ни кога ќе наполнат две години. Ако целта е да се намали ризикот од СИДС, тогаш идеална возраст за преселување во нова соба е по првиот роденден, велат од Американската академија за педијатрија
Тие тврдат дека е најдобро да се дели собата, но не и креветот со вашето бебе барем во првите шест месеци за да се намали ризикот од синдром на ненадејна смрт на доенчиња или СИДС.
Не само што делењето на спалната соба се смета за посигурно, туку може да биде и попрактично. Педијатрите објаснуваат дека тоа што бебето е во близина може да го олесни хранењето и заспивањето ноќе.
„Делењето на собата без делење на креветот се препорачува за првата година од животот и нема конкретни докази за тоа кога би можело да биде безбедно да се премести доенчето во посебна просторија пред првата година од животот. Сепак, стапките на смртност поврзани со спиењето се највисоки во првите шест месеци, така што делењето на соба во овој чувствителен период е особено важно“, советуваат од Американската академија за педијатрија.
Кога е најдоброто време детето да почне да спие во своја соба?
Тогаш кога е вистинско време детето да почне да спие во својата соба? Имајќи предвид дека секое дете е различно, родителите ќе треба да ги земат предвид своите потреби, но и потребите на нивното бебе пред да одлучат која средина за спиење ќе биде најдобра за нивното дете. Исто така, потребно е да се има предвид дека не сите семејства имаат можност да го преселат детето во неговата соба, најчесто поради недостаток на простор.
Истражувањата покажаа дека децата спијат подобро ако се сами во собата. Вообичаено е дека присуството на родителите во собата влијае на сонот на детето. Истражувањата исто така покажуваат дека делењето соба е поврзано со помал ноќен сон целокупно и намалена консолидација на спиењето.
Вообичаените ноќни звуци од родителите како што се ‘рчењето, кашлањето и вртењето може да предизвикаат бебето да се разбуди. Штом еднаш ќе се разбуди, на детето може да му биде потешко да заспие отколку што е тоа случај кај возрасните.
Одредувањето на оптималната возраст за сопствена соба зависи од примарната цел. Ако сакате да го подобрите спиењето и да ги минимизирате предизвиците што можат да се појават при преместување на постаро бебе или мало дете во нова соба, експертите препорачуваат префрлање помеѓу шест и девет месеци старост.
Родителите кои сакаат да го преселат своето дете кога тоа им изгледа дека е емоционално исправно ќе мора да ја донесат таа одлука на индивидуална основа. Некои деца се подготвени за истото на шест месеци, додека други не се ни кога ќе наполнат две години. Ако целта е да се намали ризикот од СИДС, тогаш идеална возраст за преселување во нова соба е по првиот роденден, советуваат од Американската академија за педијатрија.
