Губењето на апетитот кај децата може да ги загрижи повеќето родители. Меѓутоа, тоа е доста честа појава, особено кога станува збор за деца на возраст од две до пет години. Но, во некои случаи, губењето на апетитот може да биде причина за загриженост. Затоа педијатрите предупредуваат за петте најчести причини за губење на апетитот кај децата, кои родителите никогаш не треба да ги игнорираат.
Болест
Кога детето е болно, тоа најлесно можеме да го забележиме по промена на неговиот апетит. Воспаление на грлото, стомачен грип, дијареа, главоболка и покачена температура се само некои од причините зошто детето може да јаде помалку од вообичаено. За среќа, поголемиот дел од децата го враќаат апетитот по закрепнувањето.
Стрес
Стресот кај децата, особено кај помладите, може да има многу негативни ефекти, вклучително и губење на апетитот. Ако родителите забележат дека нивното дете губи интерес за јадење или има проблеми со спиењето, тогаш можеби страда од стрес.
Депресија
Депресијата може да биде уште една причина за губење на апетитот кај детето. Повеќето родители ја мешаат депресијата со тага, велат психолозите, но тагата и депресијата не се исто. Чувството на тага исчезнува со текот на времето, но депресијата не. Депресијата не само што го растажува детето, туку и го попречува неговиот нормален живот, а еден од симптомите е намален апетит.
Анемија
Анемија или недостаток на железо во крвта е уште една можна причина за губење на апетитот, објаснуваат педијатрите. Децата со анемија често изгледаат летаргично, уморно и раздразливо, а ако не се лекува, анемијата може да го попречи нивниот целокупен развој.
Запек
Неправилното функционирање на цревата кај децата може да доведе до отежнато празнење на цревато, односно запек. Губењето на апетитот е еден од симптомите што укажуваат на тоа дека детето страда од запек. Педијатрите објаснуваат дека родителите најлесно ќе го препознаат запекот кај детето по екстремно тврда столица и отежнато извршување голема нужда.
