Додека настинките се развиваат постепено, грипот често се појавува ненадејно и со поинтензивни симптоми. Иако и двете состојби имаат слични знаци – како затнат нос, кашлица, болки во грлото и мускулите – кај грипот тие се обично многу поизразени.
Еден од најдобрите начини за заштита од овие сезонски непријатели е преку правилна исхрана. Ви претставуваме листа на намирници кои се сметаат за „чувари“ на детскиот имунитет:
Витамин Ц – природен борец против настинки
Витаминот Ц може да го скрати времетраењето на настинката и да ги ублажи симптомите. Се наоѓа во:
-
Цитрусно овошје (портокали, лимони, мандарини)
-
Свежа пиперка
-
Бобинки
-
Зелка
Цинк – клучен минерал за силен имунитет
Цинкот е важен за нормално функционирање на имуниот систем и може да помогне во превенција од настинка и грип. Природни извори се:
-
Бразилски ореви и бадеми (за деца над 3 години)
-
За помали деца: спанаќ, грашок, боранија
Лук – природен антибиотик
Лукот е многу ефикасен во борбата против вируси и бактерии. Неговиот активен состав, алицин, ги блокира ензимите кои му помагаат на вирусот да навлезе и оштети ткиво. Слободно додавајте лук во јадењата на детето, дури и во мали количини.
Здрави масти – енергија и заштита
Маснотиите од здрави извори како авокадо, богато со витамин Ц и Б-комплекс, ја јакнат отпорноста и ја зголемуваат енергијата кај децата.
Чај – топол сојузник на имунитетот
Одредени чаеви се безбедни за деца и можат да помогнат во ублажување на симптомите:
-
Чај од нане (погоден за деца над 7 месеци)
-
Чај од шипка и хибискус (од 8 месеци па нагоре)
Овие чаеви се богати со витамин Ц и антиоксиданти, кои го поддржуваат имунитетот и го олеснуваат закрепнувањето.
