Почетокот на есента е период од годината кога почнуваат и респираторните инфекции и алергиските реакции кај децата, но поради сличноста на симптомите со болеста КОВИД-19, тоа може да предизвика немир и страв кај родителите.
Д-р Воислав Лекиќ, началник на болницата за педијатрија “Др Олга Поповиќ Дедијер“ во Белград, вели дека педијатрите одлично знаат да направат тријажа на пациентите и потеницра дека родителите треба веднаш да се јават во најблискиот здравствен дом поради дијагностика.
“Кога детето ќе дојде во ординација, се зема исцрпна анамнеза за неговите контакти. Тест за КОВИД-19, брз тест и дополнителни дијагностички методи, крвна слика, леукоцити – тоа се механизми со помош на кои јасно се утврдува за кој вид на инфекција станува збор. На таа основа, понатаму се прави проценка каде детето треба да се лекува“, истакнува д-р Лекиќ.
Според него, сега кон крајот на семптември и почетокот на октомври веќе почнуваат респираторните вируси и алергии и секој искусен педијатар може да процени што е причина за болеста. Симптомите на респираторните инфекции се кашлица, отежнато и плитко дишење, зголемена телесна температура, затнат нос. И алергијата, додава тој има слични симптоми како и коронавирусот.
