На бебињата, децата и тинејџерите им треба значително повеќе сон од возрасните за да може нивните тела да бидат во чекор со нивниот брз ментален и физички развој. Повеќето родители знаат дека на деца кои растат им треба добар сон, но многумина не обрнуваат доволно внимание на правилниот ритам, односно ги оставаат своите деца да останат будни долго во ноќта. Огромна е грешката кога децата се мали, па двегодишни деца се будни до 10, 11 часот навечер.
Психолозите советуваат дека детето треба да си легнува да спие во зависност од возраста и секогаш во исто време.
Погрешно е да се навикнуваат децата на тој ритам, најчесто компензирајќи со спиење во утринските часови. Наместо тоа, подобро разбудете ги децата или оставете ги да дремнат преку ден за да можат да ја дочекаат вечерта уморни.
Родителите често грешат и што ги остават децата да си играат до доцна, да гледаат телевизија и слично до доцна и од причина што децата не оставаат впечаток дека се уморни. Тогаш родителите ги пуштаат децата да се исцрпат мислејќи дека полесно ќе заспијат, но обично го прават спротивното, бидејќи дете кое не остава впечаток дека е уморно обично е исцрпено и повеќе од вообичаено, па телото посилно се бори да остане будно.
Во многу случаи, неможноста детето да заспие може да биде промена во околината и навиките околу спиењето, бидејќи децата сакаат уреден ритам и се склони кон навики, затоа обидете се да ги подготвите за во кревет според препорачаното време за да утрото станат наспани. Истражувањата покажуваат дека раното време за спиење, помеѓу 19 и 20 часот, е најдобро за бебињата и децата на училишна возраст. Пред самото легнување во кревет, барем половина час исклучете ги телевизорите, таблетите и мобилните телефони и постигнете смирувачка домашна атмосфера.
Возраст на детето Сугестија за време за спиење
- 2………………………..………….19
- 3………………………..………….19.15
- 4………………………..………….19.30
- 5………………………..………….19.45
- 6………………………..………….20
- 7………………………..………….20.15
- 8………………………..………….20.30
- 9………………………..………… 20.45
- 10……………………….…………21
- 11……………………….…………21.15
- 12……………………….…………21.30
- 13……………………….…………21.45
- 14……………………….…………22
- 15……………………….…………22.15
