Уринарните инфекции кај децата се доста чести, но тие обично не се сериозни и можат ефикасно да се третираат со антибиотици. Меѓутоа, доколку не се дијагностицираат и лекуваат навреме, може да доведат до посериозни здравствени проблеми, како што се проблеми со бубрезите кои можат да бидат опасни по животот на детето.
Некои деца може да бидат поподложни поради проблеми со празнењето на мочниот меур, како што е запек што може да предизвика отекување на дел од дебелото црево, што може да врши притисок врз мочниот меур и да го спречи неговото нормално празнење, синдром на дисфункционална елиминација, релативно честа состојба во детството при која детето ја задржува урината иако има потреба за мокрење
Понекогаш е многу тешко да се препознае дали вашето дете има уринарна инфекција бидејќи симптомите може да бидат нејасни, а малите деца не можат сами да објаснат како се чувствуваат.
Општи знаци кои би можеле да укажуваат на тоа дека вашето дете има уринарна инфекција вклучуваат:
- покачена температура,
- повраќање,
- замор и недостаток на енергија,
- раздразливост,
- слаб апетит,
- болка или чувство на печење при мокрење,
- честа потреба за мокрење,
- намерно задржување на урината,
- промени во вообичаените тоалетни навики, како што е мокрење во кревет,
- болка во абдоменот или долниот дел на грбот,
- урина со непријатен мирис,
- крв во урина.
Понекогаш е многу тешко да се препознае дали вашето дете има уринарна инфекција бидејќи симптомите може да бидат нејасни, а малите деца не можат сами да објаснат како се чувствуваат
Повеќето уринарни инфекции кај децата се предизвикани од бактерии од дигестивниот систем кои влегуваат во уретрата. Често нема очигледна причина зошто некои деца полесно развиваат инфекции, а други не, објаснуваат педијатрите. Сепак, некои деца може да бидат поподложни поради проблеми со празнењето на мочниот меур, како што е запек што може да предизвика отекување на дел од дебелото црево, што може да врши притисок врз мочниот меур и да го спречи неговото нормално празнење, синдром на дисфункционална елиминација, релативно честа состојба во детството при која детето ја задржува урината иако има потреба за мокрење, и везикоуретерален рефлукс, невообичаена состојба во која урината се враќа од мочниот меур во бубрезите.
Повеќето инфекции на уринарниот тракт кај децата исчезнуваат во рок од 24 до 48 часа по антибиотскиот третман и нема да предизвикаат долгорочни проблеми. Како мерка на претпазливост, бебињата под три месеци и децата со потешки симптоми обично се примаат во болница на неколку дена за да примаат антибиотици директно во вена (интравенски антибиотици).
