Новите родители речиси секогаш се преплашени од многуте правила кои доаѓаат со бебето, особено кога се прашање чувствителни новородени бебиња. Правила и препораки околу хранењето, носењето, капењето и останатото, има премногу.
Спиењето на бебето можеби е на врвот на таа листа, а неодамнешно истражување на Американската педијатриска академија, открило дека помалку од 50% од родителите ги следат препораките за безбедно спиење на бебето, а тоа е спиењето на грб.
Откако испитале 3.297 мајки, истражувачите откриле дека само 44% го ставаат бебето во соодветна положба, а над 50% мислеле дека најбезбедно е нивното бебе да спие на страна или на стомак. Исто така, дошле до сознание дека новите родители се под големо влијание на она што другите околу нив го прават, како членови на семејството и пријатели.
Според педијатрите, раното родителство е време во кое постои заситеност од преголема количина на информации и премала количина на сон, и нагласуваат дека не смее да се заборави на фактот дека сите имаат мислење за тоа што новите родители “треба“ да направат. Но, кога се работи за безбедноста и здравјето на бебето, најважен е советот на лекарот и стручното лице, кои на родителите им даваат јасни и точни насоки.
