Многу деца се преплашени штом видат дека се подготвувате да ги капете, па тоа претставува вистински предизвик за вас. Со овие неколку совети, вашето бебе полесно ќе се смири и со тек на време ќе го засака капењето.
Зошто новороденчето се плаши од капење
Бебињата може да се чувствуваат како да се надвор од контрола, не им се допаѓа промената на температурата, или пак не го сакаат тоа чувство на лебдење во вода. Постарите бебиња и помалите деца може да се плашат од вревата додека водата оди низ сливникот, а некои и од лизгањето под вода. Исто така, не некои нема да им се допадне што мораат да ја наводенуваат косата, а сапунот во очи допрва ќе им биде непријатна појава.
Како да се надмине стравот
Кога детето е многу уплашено, најдобро е тој страв да го сфатите сериозно и да не го присилувате да влегува во када, под туш или во вода во моментот кога е вознемирено.
Кога е во прашање новороденче, капењето може да го олесните така што ќе користите кадичка за бебе, бидејќи во тој мал простор ќе се чувствува многу посигурно. Бидете сигурни дека температурата на водата е многу слична на температурата на телото. Во случај на постари бебиња или помлади деца, навиката за капење може да ја постигнете на неколку начини.
- Полека запознајте ја кадата. На пример, оставете го бебето да седи во празната кадичка и симулирајте капење со сунѓер. Во моментот кога ќе се почувствува пријатно, можете да се обдиете да додадете малку вода на дното од кадичката.
- Бебешката кадичка ставете ја внатре во кадата некое време, се додека целосно детето не се навикне на тоа.
- Капете се со детето. Ставете го меѓу своите нозе или во прегратка за да се чувствува сигурно.
- Користете столче за капење, за бебето да може да седи во када. Иако е во столче, не го оставајте ниту миг. Бидете присутно за цело време додека се капе.
- Користете подлоги кои не се лизгаат, така што децата нема да се грижат дека може да лизнат и да паднат поради водата.
- Извадете го бебето од каде, а доколку е потребно и од бањата, пред да пуштите водата да отиде во одводот. Звукот на вода која се испушта од кадата може на многу деца да им делува застрашувачки.
- Доколку вашето дете е загрижено дека шампон може да му влезе во очи, можете да користите специјални капи за капење. Тие ја држат пената и водата подалеку од детските очи. Некои деца обожаваат да носат заштитните очила за капење. Истовремено, користете шампони кои не ги иритираат очите на детето.
