Колку пати сте се нашле во ситуација да по толку многу обврски, грижа за бебето и децата, домашните обврски, ви е потребна пауза? И тоа не само пауза пред телевизор или компјутер, туку еден кус одмор надвор, надвор од домот, со пријатели, со многу смеење и добро расположение…
Иако бескрајно ги обожаваме децата, семејството, својот прекрасен дом, некогаш е потребно малку да се разбие секојдневието и да се излезе од рутината во која постојано се вртиме во круг. А, кој може најмногу да ни помогне – секако пријателките!
Тие се вистински покренувач кога ќе стане напорно, кога сме уморни и преоптоварени со обврски. Не извлекуваат надвор токму кога тоа најмногу ни треба и не носат таму каде најмногу сакаме да бидеме – во топла атмосфера на омиленото кафуле, особено во зимските денови. А таа сеанса на забава, муабетење, поддршка, совети и што уште не, дефинитивно не може да се заборави шолјата топло свежо подготвено кафе. Дополнителната енергија и исполнетост доаѓаат од секоја голтка на омилената напивка во која максимално уживаме.
Се доволно за мир и благосостојба. Доволно повторно да ги наполниме батериите и среќни да продолжиме со својот живот.
Дали сте знаеле дека дружењето со пријателките е особено корисно? И тоа не само за вас, туку и за вашето бебе. Да, добро прочитавте! Истражувањата покажале дека тоа поволно влијае на бебешкиот мзок. Децата чии мајки имаат поголема поддршка од пријателите имале подобри резултати на когнитивните тестови.
Значи, дружете се! Бидете посреќни, полесно ќе се вратите во секојдневниот живот и занете што – ќе го обожавате.
