Децата често го тестираат трпението на родителите, особено кога ќе станат немирни. Тоа не е ништо страшно, сите деца во даден момент стануваат немирни, но можете да направите неколку работи да го поправите нивното однесување.
Поставете граници
Поставете граници и не дозволувајте детето само да одлучува за нешто што е ваша обврска. Доколку има напади на бес бидејќи нешто не може, треба да бидете нежни. Кажете му дека на тој начин не го добива она што го сака,
Бидете упорни
Не го менувајте вашето однесување од ден на ден. Бидете упорни. Ако сте поставиле некои правила, држете се до нив. Ако сте променливи, па еден ден му дозволувате на детето да прави нешто забрането, а друг ден не му дозволувате, тоа нема да ве сфати сериозно.
Ограничете го користењето на екрани
Секојдневното гледање цртани филмови без граници може премногу да го активира детето, да биде превозбудено, поенергично од вообичаено и нормално е да стане немирно. Ограничете колку долго смее да користи уреди, како телевизор, компјутер, телефон или таблет.
Кажете му кои се последиците
Оставете детето да види кои се последиците од лошото однесување. Мора да биде свесно дека ќе западне во неволја ако стане немирно и не ве слуша.
Не попуштајте
Ако детето почне да плаче, немојте веднаш да попуштите. Само ќе го размазите, а тоа ќе сфати дека е потребно само да заплаче, па сепак да го добие она што не треба.
Слушајте го детето
Прашајте го зошто така се однесува и што би можело да се направи да престане со тоа.
Не викајте
Ако почнете да викате, ќе добиете спротивен ефект. Можеби во моментот детето ќе се смири, но подоцна ќе се однесува исто како и вие.
