Бремените жени често имаат многу специфични желби за храна и тоа не е ништо необично. Намирниците што ги јадат идните мајки може да бидат целосно различни, но научниците откриле што е тоа што најчесто им се јаде.
Накратко, велат дека не е ни малку чудно ако на пример во бременоста јадете геврек, пуканки или чипс, а еве зошто.
Научниците откриле дека на трудниците оваа храна им е потребна во текот на бременоста забележувајќи промени во мозокот на идните мајки, а целата поента е дека тие всушност бараат – сол.
За да стигнат до ова откритие, тие ја проучувале мувата.
„Многу видови цицачи имаат зголемена потреба од сол за време на бременоста, но досега не се знаеше дали тоа е случај и со мувите. Солта е добра за репродуктивниот систем на трудниците, а откривме и директна врска помеѓу количината сол во исхраната и количината на јајца што мувата може да произведе“, објаснува д-р Карлос Рибеиро, еден од научниците кои работеле на истражувањето.
„Се чини дека солта е важна за сè, од муви до слонови до луѓето. Исто така, ова откритие сугерира дека постојат некои универзални биолошки принципи кои се заеднички за различни видови“, вели д-р Рибеира.
Научниците откриле и дека има промена во вкусот на солта кај трудниците цицачи, а тоа влијае и на тоа што тие повеќе ја бараат токму оваа храна за време на бременоста.
Кога станува збор за луѓето, солта секако не може да помогне да се добијат повеќе бебиња, како кај мувите, но нашите тела се чудесни, па веројатно инстинктивно ја зголемуваат потребата за сол, така што бебето има подобри услови за развој.
Зголемена потреба за сол
Друга причина зошто идните мајки бараат солена храна е тоа што на телото му треба повеќе натриум за време на бременоста, за да се одржи рамнотежата на течности и електролити. Оваа зголемена потреба за натриум може да доведе до поголема желба за солена храна.
Исто така, експертите наведуваат дека механизмите за жед и глад можат малку да се „збунат“ во текот на бременоста, поради што може да се појави желба за нешто што на телото не му треба во нутритивна смисла, туку има потреба за нешто познато – пријатно и утешително.
Секако, експертите предупредуваат дека идните мајки треба да бидат внимателни и да не се препуштаат премногу на желбата за солена храна.
Прекумерниот внес на натриум може да придонесе за оток и надуеност, кои вообичаено се појавуваат за време на бременоста. Покрај тоа, прекумерното внесување сол може да доведе до почесто мокрење, што може да резултира со дехидрација, доколку не се внесат доволно течности за да тоа се компензира.
