Дали сте слушнале за “мајчински мозок“?
Мајката Лиса Кер опишала необична ситуација во која се нашла.
“Не ми оди баш добро додека три деца викаат во исто време. Така вчера отидов да им купам појадок и стоев и чекав да ја земам нарачката, иако вработените веќе ми ја дадоа и ја држев во рака. Мајчинскиот мозок е реален“, напишала на социјалните мрежи Лиса.
Таа не е единствена која искусила такви заборавни моменти откако добила деца. Многу мајки на нејзината објава ги коментирале своите необични ситуации. Некои тргнале надвор без блуза, други ставиле чипс во фрижидер, додека некои барале по дома нешто кое веќе им било во рака.
Обично, велат експертите, вака збунувачки ситуации се случуваат поради промената на животниот стил, како кај мајките, така и кај татковците. Животот станува многу постресен, а родителите многу малку спијат. Кога нема да ја преспиете ноќта, сосема е разбирливо да не бидете когнитивно исти како кога сте наспиени. Покрај тоа, додаваат стручњаците, голема е промената кога од самостојна возрасна личност ќе станете личност која е одговорна за нечиј опстанок. Тоа го менува индентитетот, но и начинот на кој го минувате времето, спиете и се грижите за себе.
И науката многупати докажала колку е голема промената кај жената за време на бременоста и мајчинството.
Европски истражувања покажале дека кај жените кога ќе станат мајки се менува сивата маса во мозокот, а тие промени траат минимум две години, промените се толку јасни, да само на основа на скенер на мозокот може да се покаже дали жената станала мајка или не. Една студија докажала дека доаѓа до промена во вербалната комуникација кај бремените жени. Така, тие почнуваат да забораваат имиња на ликови од филм или имиња на омилените книги, иако нема промени на препознавањето и работната меморија.
Сите истражувања секако не покажуваат дека трудниците и новите мајки се помалку интелегентни. Многу научници сметаат дека сите тие промени кои се случуваат, всушност им помагаат на жените да бидат подобри мајки.
Иако ова е сосема нормална појава, како и честа шега меѓу луѓето, многу лекари предупредуваат дека е добро да се поразговара со стручно лице, доколку појават некои многу посеризони симптоми по породувањето.
